![](https://lh4.googleusercontent.com/-p2nyQAxzIIo/UTz6_kp5gLI/AAAAAAAAB_w/1kPTuBSMglk/s645/Screen%2520Shot%25202013-03-10%2520at%25209.25.07%2520PM.png)
Oft hefur verið rætt um það á heimilinu að vera með hleðslustöð þar sem símar & fleiri iPod-dar geta fengið hleðslu en aldrei neitt verið gert í því. Þegar snjallsímar eru nú komnir á heimilið var orðið tímabært að gera eitthvað í málinu.
Á mánudaginn var skipulagsdagur og allir heima og ég í fríi...þó ég hafi nú meira gaman af því að nýta þessa daga í að
fara á flakk með krökkunum þá gafst tækifæri á að koma upp þessari margumræddu hleðslustöð. Ég vissi nefnilega að það var ein ein hvít plastskóhilla fyrir mér í geymslunni eftir að við settum 2 inní eldhús undir blöð og fleira en þær voru bara seldar 3 saman í pakka.
Þannig að gat var gert fyrir fjöltengi og síðan skorið út fyrir snúrum og allt þrætt, tengt & hengt uppá vegg og svona leit þetta út hrátt á gólfinu áður en ég hengdi upp.
![](https://lh6.googleusercontent.com/-LYaqlR7hTBo/UTz6-6YqU_I/AAAAAAAAB_o/zgL8Lis2Kw0/s640/Screen%2520Shot%25202013-03-10%2520at%25209.27.37%2520PM.png)
Nokkur sóðaskapur fylgdi þessu og fékk ég góða hjálp frá Sunnu við að þrífa...og Sindra sem var reyndar meira áhugasamur um að sóða út og fikta í verkfærunum ;)
Þegar ég setti snúrurnar varð ég að skipulagsnördast aðeins og merkja þær með plastperlum þannig að báðir endar á hverri snúru eru "litamerktir" eins og sést á myndinni efst...það er bara eitthvað við svona skipulag sem ég fíla pínu ;)
Þegar að allt var tilbúið var kominn tími fyrir Sindra að taka smá kríu og héldum við okkur því heima þennan skipuldagsdaginn =)