Skipulagsnördar

Ég og Sunna settum smá tilraun að mánaðar- & vikuskipulagi uppá vegg inná gangi hjá okkur í dag. Þannig að hægt er að sjá hvaða mánuður er í gangi og hvað er að gerast í vikunni...hugsa að þetta gæti verið þægilegt að sjá hvaða íþróttir eru hjá krökkunum og hvenær hver er að fara hvert...stundum (allt í lagi oft) get ég ekki munað þetta allt =)

Agile námskeið

Hélt aftur Agile námskeið í samstarfi við Dokkuna. Að þessu sinni var það haldið hátt uppi á 18. hæð í Katrínarturni (hann heitir eitthvað annað en eftir að þeir skiptu um nafn á götunni/torginu get ég ekki munað það gamla ;)
Allt gekk vel, Bjartur var með í för og fékk að vera óáreittur í kaffistofunni á meðan við lékum okkur hinum megin við vegginn ;) Sjá meira á Agile síðunni minni.

Spilahönnun

Hannaði spil fyrir Agile netið til notkunar í Planning Poker. Lagði niður þónokkrar hugmyndir og útfærði nokkrar áður en niðurstaðan varð til. Sem hönnunarlaun útbjó ég nokkra stokka merkta mér ;)

Agile námskeið

Það var góður eftirmiðdagur með góðu fólki sem kom á Scrum & Kanban grunnnámskeið hjá BEZTA (Dokkunni) sem ég sá um að kenna og meira um það á Agile síðunni minni.

Agile fyrir alla

Bauðst að koma að Agile innleiðingu hjá fyrirtæki út í bæ eftir að hafa hitt vinkonu í kjúklingabiðröðinni í Samkaup fyrir áramót. Ég sló til og hafði mjög gaman að kíkja á þau tvo morgna og hlakka til að fá að heyra hvernig þetta gengur & þróast hjá þeim.

Fjarfyrirlestur

Við í Agilenetinu stóðum fyrir smá tilraun með fjarfyrirlestur og fengum Henrik Kniberg til að spjalla við okkur, þetta kom vel út og punktaði ég niður smá samantekt og fleira.

Agilis 2011

Fór á Agilis 2011 ráðstefnuna og hripaði niður mína upplifun. Þetta var fínasta ráðstefna. Missti reyndar af henni í fyrra en fannst þessi ekki jafn góð og 2009 þar sem Alistair Cockburn, Yves Hanoulle og Jeff Patton voru á sviðinu og fannst mér meira þungavikt í kynningunum þá. En þessi ráðstefna var fín og hafði Open Space fram yfir síðustu sem ég mætti á ;)