Hrekkjavökusjóræningi

Sindri tilbúinn í hrekkjavökuna sem sjóræningi :)

Hrekkjavökusystur

Það er svo gott að eiga systur að til að njóta með...hrikalega flottar systurnar eftir smá yfirhalningu frá Bínu <3

Spáð í sporin

Það voru alls konar spor í snjónum í dag sem Sindri spáði í :)

Dansvinkonur

Dagný og Jana Marías á góðri stund...skemmtilegt að þær eru góðar saman eins og mömmur þeirra þegar þær voru litlar :)

Leikið undir doppuveggnum

Yngstu með mömmu að leika að dótinu hennar Sunnu daginn eftir afmælið...undir doppuveggnum :)

Lúsasystur

Afmælisdagurinn hjá Sunnu endaði í lúsaþvotti hjá systrunum...ekki það skemmtielgasta en þær tóku þessu nú bara með ró...enda ekkert stress og enginn að gráta :)

Sunna 9 ára

Alltaf jafn yndislegt að hafa Sunnu í kringum sig...9 ára afmælinu fagnað í dag :)

Jafnrétti?

Allir saman :)

Pabbi & Dagný

Miss D gaf mér pínulitla mynd af okkur sem hún gerði sjálf. Afskaplega krúttlegt frá pabbastelpunni <3

Dagný 7 ára

Þessi skvís orðin 7 ára og skelltum okkur út að borða í tilefni dagsins...alltaf stuð í kringum hana :)

Notaleg skrifboð hjá stelpunum

Notalegt að sjá inn til stelpnanna...hvor um sig með afskaplega fallegt í kringum skrifborðin sín <3

Klifurapar

Bjartur er alltaf í klifrinu og í dag fengum við að mæta og allir krakkarnir fengu að spreyta sig. Það var mishátt farið en allir höfðu gaman og frábært að fá þetta tækifæri að prófa <3

Fuglar á fundi

Ég var búinn að vera að rekast á svona fugla í fundarherbergjum í vinnunni...endaði svo með að komast að því hver átti heiðurinn <3 en skemmtilegt að skilja svona eftir fundi :)

Nettir fundir

Í einhverri tilraun að bæta fundarmenningu settum við á svið smá uppstillingar og auglýsingar og leyfi þessari að vera hér með til minninga um það :D

Litla paprika

Höfum stöku sinnum ræktað upp paprik frá fræi...hérna var eitt slíkt...varð nú reyndar afskaplega lítið þegar það var étið <3

Lært út á svölum í sólinni

Ekki slæmt að nýta sólina í að skella sér út á svalirnar með félaga og læra :)

Fylgt fyrirmælum

Þegar við fórum með Sunnu til læknis var henni sagt í afgreiðslunni að setjast fyrir framan stofu númer 7...þannig að hún fór rakleitt og plantaði sér beint fyrir framan hurðina og beið :D

Pac Man ekki spilakassi

Spilakassinn sem ég minntist einhverntíman á og endaði með litlum stýripinna er stundum tekinn upp...ekkert leiðinlegt að sjá Pac Man í gangi í sjónvarpinu :)

Óvissuferð Bóner 2015

Í óvissuferðinni þetta árið var skipt um í tvö lið...stelpurnar voru Súper og strákarnir Leður...bubblubolti, leikir, matur, Fjörukráin, ferðast um Hafnarfjörð og bara almennt gaman :)

Ísfjölskyldan

Það er ekki alltaf sem allir eru saman...og hvað þá að allir náist á mynd...en mér tókst að ná einni yfir ísnum :)

Af stað!

Hvað er gaman að eiga systur sem er góður vinur...þær eru frábærar saman og alltaf að leika <3

Díselmengun

Vá hvað ég tengi við stelpurnar þegar þær fundu lyktina af díselbílnum við hliðina...þetta getur bara ekki annað en verið meira mengadi en bensínið...svona af lyktinni að dæma ;)

Sundpakk

Alltaf notalegt að skella sér í einhverja sundlaug í nágrenninu...sérstaklega með þessu fólki <3

Súkkulaðiskálar

Sunna og Bjartur að sprengja blöðrurnar sem voru notaðar til að mynda skapasón utan um súkkulaði til að mynda súkkulaðiskálar þegar þær voru sprengdar...síðan voru þær fylltar með ís =)

Pabbakoss

Fátt betra en að fá knús og koss <3

Broskall

Glóstöng í munninn og þá er komið bros...klikkuðum að prófa í myrkri :D

Kominn tími á klippingu?

Ágætis fax sem náðist á mynd þarna :)

Gleðiganga í úða

Gleðigangan var í smá úða í ár og því voru regnhlífar með í för. Þær voru vel nýttar á tónleikunum þegar krakkarnir skellu þeim saman í hús og skemmtu sér fram og aftur að leika í því :)

Strákasápukúluframleiðsla á Hvaleyrarvatni

Skemmtileg mynd af okkur feðgum að sápukúla :)

Stelpubátsferð á Hvaleyrarvatni

Veðurblíða og Hvaleyrarvatn...fullt af dóti...þar á meðal gúmmíbáturinn og dagurinn er bara horfinn :) Þær voru nú kannski ekki alveg að valda þessum bát...en það skipti engu máli...það var gaman hjá þeim eins og sést og enginn fór að gráta :)

Í stjörnuljóma

Á tónleikum í Fjölskyldu- og Húsdýragarðinum þessa verslunarmannahelgi var Glowie ein af þeim sem kom fram og stelpurnar sáu varla sólina fyrir henna þegar þær fengu að taka mynd sér með henni :)

Það er svo skemmtilegt að skella sér með krakkana út í göngutúr og leikvöll...eitthvað svo notalegt í góðu veðri að kíkja út í göngutúr og sjá hvar við endum =)

Appelsínugulur að drekka kaffi og naglalakkaður

Ég er mikið fyrir appelsínugulan (aðallega af því hann er aðgengilegri en gulur ;) ... en ég er ekki jafn mikið fyrir að drekka kaffi...það gerist yfirleitt aldrei nema þegar ég er í sumarfríi á Seyðis...enn sjaldan er ég naglalakkaður...en þegar maður á dætur sem vilja naglalakka mann þá tekur maður því fagnandi <3

Kallað á mig heim

Á Múlavaginum þar sem ég ólst upp er til amboð sem ég þykist nokkuð viss um að hafi komið frá Austurríki og sé yfirleitt notað til að reka beljur. Notagildið var annað í minni æsku en þegar þurfti að kalla á mig var farið með verkfærið út og hrist þannig að trékúlan myndaði hljóm sem ómaði út um allan fjörðinn og ég þá vissi ég að ég ætti að koma heim :) (Gagnlegt tól fyrir tíma farsíma ;) Þegar ég var svo í seinni tíð í heima á Seyðis heyri ég kallið...og eins og alltaf strunsaði ég bara beinustu leið heim...þá stóðu þar fyrir utan húsið Helga og Snorri prakkaraleg á svip og sögðu "Enn kemurðu" og hlóu :D

Tvísöngur í sólargeislunum

Alltaf gaman að rölta upp að barbapabbahúsinu og ekki verra þegar sólargeislarnir skína á sólargeislana okkar sem leika sér ofan á Tvísöng <3

Gæðingur í glasi

Alltaf gott að fá sér einn kaldan og hérna náðist góð mynd af einum góðum ;)

Borgari í Fjölskyldugarðinum

SKelltum okkur í Fjölskyldu og Húsdýragarðinn og gripum með okkur borgara...frábært að fá afnot af grillunum þar og geta bara gripið með eitthvað til að skella á...þægilegt :)

Nauthólsvík í blíðu

Það kemur fyrir að við gerum okkur ferði í Nauthólsvíkina...skellum okkur jafnvel út á gúmmíbátinn...mokum...förum í heita pottinn...fáum okkur pyslur...bara yndislegt <3

Ronja

Sunna & Ásthildur með smá minningu um Ronju sem þær bjuggu til úr steinum, skeljum málingu og lími <3

Vatnsboltar

Enn ein ferðin í Húsdýragarðinn...og þar er merkilega skemmtilegt að reyna að hlaupa um í uppblásnum bolta á vatni :)

Gleym-mér-ei

Fátt merkilegra en að uppgötva að gleym-mér-ei festist við fötin <3

Heimsókn í vinnuna

Dagný kíkti í heimsókn til mín í vinnuna í dag...alltaf gaman þegar að það eru einhverjir dagar þar sem þarf að bralla eitthvað og yfirleitt spennandi að fá að skoða hvar pabbi vinnur :)

Drullukökumeistarar

Stelpurnar stóðu sig með prýði í kökukeppninni í Kaldárseli í dag...hvað er skemmtilegra en að baka drullukökur :)

Sindri fyndni með systrunum

Sindra fannst hann einstaklega fyndinn =)

Valaból og 100 metra hellirinn

Skelltum okkur í Valaból og 100 metra hellinn...skemmtilegt rölt í góðu veðri með góðu fólki <3

Uppbókað fjölskyldurúm

Fjölskyldurúmið var fullbókað í morgun...ekki pláss fyrir fleiri...veit ekki hvar Bína svaf :D

Fjölskyldudagur Víðivalla 2015

Á meðal margra góðra gesta voru Köngulóarmaðurinn og Dreki á ferðinni sem voru hæstánægðir eins og allir sem létu sjá sig :)

Hamborgarahópurinn

Góður "siður" í vinnunni er að góður hópur er skráður í grillborgarahópinn þar sem nokkrir taka fyrir að kaupa, undirbúa og grilla mismunandi hamborgara ofan í hina. Þetta var gert í röð á heimasíðu sem var með upplistun af alls konar ostborgunum og var skemmtilegt framtak :)

Bjór og kvöldvinna

Alltaf gott að eiga félagsskap af góðum bjór þegar maður situr seint um kvöld að heimasíðast :) Þessi stendur alveg undir nafni og alveg nóg að opna bara einn og drekka á góðum tíma.

Ráfað og rúllað í sólinni

Þessi voru með í göngutúr um norðurbæinn og eftir smá pásu og pælingar var ákveðið að rúlla sér niður brekkuna...það tók smá tíma og svo hlaupið aðeins um eftir alla snúningana þar sem allir voru vel ringlaðir...þarf ekki mikið til að skemmta sér í góða veðrinu =)