Ísfjölskyldan

Það er ekki alltaf sem allir eru saman...og hvað þá að allir náist á mynd...en mér tókst að ná einni yfir ísnum :)

Gleðiganga í úða

Gleðigangan var í smá úða í ár og því voru regnhlífar með í för. Þær voru vel nýttar á tónleikunum þegar krakkarnir skellu þeim saman í hús og skemmtu sér fram og aftur að leika í því :)

Tvísöngur í sólargeislunum

Alltaf gaman að rölta upp að barbapabbahúsinu og ekki verra þegar sólargeislarnir skína á sólargeislana okkar sem leika sér ofan á Tvísöng <3

Borgari í Fjölskyldugarðinum

SKelltum okkur í Fjölskyldu og Húsdýragarðinn og gripum með okkur borgara...frábært að fá afnot af grillunum þar og geta bara gripið með eitthvað til að skella á...þægilegt :)

Nauthólsvík í blíðu

Það kemur fyrir að við gerum okkur ferði í Nauthólsvíkina...skellum okkur jafnvel út á gúmmíbátinn...mokum...förum í heita pottinn...fáum okkur pyslur...bara yndislegt <3

Uppbókað fjölskyldurúm

Fjölskyldurúmið var fullbókað í morgun...ekki pláss fyrir fleiri...veit ekki hvar Bína svaf :D

Ráfað og rúllað í sólinni

Þessi voru með í göngutúr um norðurbæinn og eftir smá pásu og pælingar var ákveðið að rúlla sér niður brekkuna...það tók smá tíma og svo hlaupið aðeins um eftir alla snúningana þar sem allir voru vel ringlaðir...þarf ekki mikið til að skemmta sér í góða veðrinu =)

Fjölskyldu- og húsdýragarðurinn

Það er alltaf gaman að skella sér í garðinn með alla með sér...leika sér í tækjunum, kíkja á dýrin og sóla sig aðeins...klappa kanínum...hoppa á ærslabelgnum...sveiflast um með Krakkafossi...klifra í Naglfarinu...skjóta tennisboltum...alltaf nóg að gera =)

Óvissuferð krílanna 2015

Óvissuferð var haldin þar sem 4 óvissuþættir voru afhjúpaðir hver á fætur öðrum. Myndin að ofan er af fyrsta stoppinu hjá (litla) Vitanum í Hafnarfirði þar sem ferðin byrjaði á myndatöku. Svo var haldið áfram um nágrennið...Kleifarvatn, Seltún og Vatnaveröld og Skessuhellir ásamt því að næra okkur.

Fjöruferð

Það að standa í fjörunni og öskra þegar að öldurnar koma "æðandi" er svo sérstaklega skemmtilegt...og enn meira þegar smáfólkið á hlut =)
Þegar flæðir að er bakkað með öskrunum...en um leið og þær fjara aftur út er farið aftur nær =)

Bústaður

Skelltum okkur í smá helgarfrí í bústað og túristuðumst aðeins um Grímsnesið. Eins og sjá á myndinni getur þetta verið erfitt og fínt að finna sér bekk til að leggjast á hjá Geysi ;)

Aðal leikstaðurinn

Fjölskyldurúmið er helsti leikstaðurinn þessa dagana...það er merkilegt hvað stórt rúm er mikið sameiningarafl fyrir allt þetta fólk...sjá þennan hóp =)

Páskar á Seyðis

Skelltum okkur austur um páskana og komum á hvítt Austurlandið í ekta vetrarveðri þar sem kuldagallar og sleðar réðu ríkjum og inni fyrir var spilað.
Bjartur fékk klippingu hjá Helgömmu sem var vel þegin þar sem hann var kominn með góðann bítlalubba.
Kíktum á Ársól Heiðu og stelpurnar voru afskaplega hugfangnar af henni og ekki síst Dagný.
Hitastigið fór svo hækkandi og endaði þannig að það voru allir komnir á stuttermaboli áður en við fórum heim, skemmtilegt að ná bæði vetri og vori í einni ferð =)

Skipulag á heimilinu

Bína skrapp til útlanda í vikunni og ég var því einn heima í 5 daga. Ég ákvað að prófa að setja upp Scramban töflu sem er hugmynd sem við bjuggum til í vinnunni um daginn til að halda utan um skipulag og hver gerir hvað á heimilinu.
Þetta gekk merkilega vel og endaði sunnudagskvöldið þannig að ég skrifaði frétt um þetta (á ensku) í stað þess að vera að taka til og allir höfðu gaman að =)

Jólapartý

Jói & Hemmý og co voru "heima" hjá sér í Reykjavík um jólin og því var safnast saman á höfuðborgarsvæðinu þessi jólin. Það voru nokkrir hittingar og jólapartý sem voru haldin...gaman að hitta alla og langt síðan allur "hópurinn" hefur verið saman...góðar minningar og gaman að ná jólapartýi =)

Sindri 4 ára

Lillinn á heimilinu orðinn 4 ára. Hann fær svo að finna fyrir því að vera minnstur á heimilinu...foreldrarnir ekkert allt of stressaðir og stóru gera flest allt fyrir hann =)

Ekki slæmt að fá að skreyta jólatréið líka á afmælisdaginn...það er orðin hefð í fjölskyldunni =)

Allir í bíó

Fjölskyldan fór í bíó og þar með fyrsta skipti sem allir fara saman í bíó =)

Sleðaferðir

Það er ávallt svo gaman þegar að nóg er af snjó og hægt að skella sér út að renna á sleða. Mikill kostur að hafa góðan stað til að renna eins og á Víðistaðatúni þar sem ekkert er í vegi fyrir sleðum á fleygiferð...nema kannski aðrir sleðafarar...enda er yfirleitt alltaf nóg af (smá)fólki sem fer að renna á hverjum degi þar =)

Merkilegt hvað einn stígatsleði, 2 diskar og 3 rassaþotur duga lengi ;)

Krakkajólakertastjakaflóð

Bína tók saman alla kertastjakana sem að krakkarnir hafa málað í gegnum árin og setti saman á bakka út í glugga. Sérstaklega skemmtilegt að hafa marga saman og koma svona líka vel út =)

Fjölskyldu-Jóladagatalið 2015

Jóladagatal fjöskyldunnar þetta árið kom frá hugmynd sem Bína fann á netinu og sérstaklega skemmtielgt að það er hægt að bæta við hanan á hverju ári og breyta. Fullt af fígurum, fjöllum, trjám og hlutum sem síðan er hægt að setja inní =)