Jólakveðjur

Gleðileg jól...landið stendur nú varla undir nafni þessi jólin. Þetta er ekkert Ís"kalt"land, meira svona slydda, en kanski austurhornið fái hvít jól. Í ár verða jólin í seinasta skiptið haldin í Steinahlíðinni...en ákveðið hefur verið að flytja þau til á næsta ári í 2 hæða penthouse lúsxus íbúð. Við gistum eitthvað á Steinahlíðinni núna, rifja upp gamla tíma og hafa það notalegt. En ég vil óska öllum gleðilegra jóla og hafið það sem allra best, þótt þið vitið aldrei af því þá sendi ég ykkur heilmiklar jólakveðjur...hérna er jólakveðjan okkar Bínu í ár.

Góð helgi að baki

Morðingjateitið tókst vel upp á föstudagskvöldið. Þrátt fyrir að lausnin hafi verið allt of erfið þá var þetta bara gaman, mætti vera aðeins auðveldara til að hafa meira gaman að þessu fyrir svona fólk eins og mig :Þ Síðan tókst fólki að vera bara nokkuð drukkið og miklar ó-málefnalegar umræður fóru í gang sem ekki öllum var skemmt við, en ég hafi ákaflega gaman að. Á laugardaginn mættu svo nokkrir félagar í strákapartý þar sem gripið var í póker, playstation, pizzu og bjór. Vorum bara spakir og ekkert rugl á mönnum, en er nú allt í lagi þegar menn er komnir til ára sinna =) Sunnudagurinn fór í ekki neitt og ég hefði verið til í einn helgardag til viðbótar...

Hálf fimmtugur í dag

Stór dagur í dag, minns orðinn 25, hálf fimmtugur, það er nú merki um það að maður er orðinn gamall. Enda hegðar maður sér eftir því, kvarar og kveinar yfir öllu og tala bara um gamla daga og klósettferðir. Já það er ekkert grín að vera orðinn gamall, en spennandi, þá er meiri ástæða til að röfla og vera með læti. Er nú þegar kominn með 6pencaran, nú vantar bara afa-inniskóna og flottan náttslopp...og auðvitað lödu sport, má ekki gleyma henni. Þá veður nú gaman. Ætla að eiga heima í blokk þegar ég verð gamall. Þá vaknar maður alltaf snemma og byrjar að teppa lyftuna frá svona 7-8, þá tekur maður til við að keyra á 10-20KM hraða um bæjinn og tefja allt fólkið sem er á ferðinni. Það verður skemmtilegt líf...en það er víst ekki alveg komið að því, en gaman að láta sig dreyma um það. Í kvöld förum við Bína út að borða á Hereford og er verið að undirbúa kvöldið.

Nýr vinnustaður

Fyrsti vinnudagurinn hjá Hug. Þá hef ég formlega hafið nýtt starf og var fyrsti vinnudagurinn í dag. Það er svoldið undarlegt að hafa ekki Vefsýnarfélagana í kringum sig eins og maður hefur verið vanur undanfarna mánuði, og ár. Við tókum gott kveðjukvöld á föstudgainn, lágmenninguðumst í pool, hámenninguðumst í fínum mat á Hereford og þjóruðum svo öl með almúganum á Ara. Þetta var háfleygt kvöld þar sem miklar umræður um aldamót, tilgang og upphaf alheims báru ábyggilega á góma og var mikið skeggrætt með ýmsum nefjum. En nú verður maður ekki í jafn miklum samskiptum við Vefsýnarmenn sem er að vissu leiti leitt. Dagurinn var fremur rólegur, er að koma mér fyrir, kynnast fólki, og PC uppá nýtt, en þetta er enginn MAC vinnurstaður :)
Hingað er ég þá kominn í stórfyrirtæki, á íslenskan mælikvarða, eins og ég hafði ætlað mér eftir útskrift. VOnum að þetta verði gæfuríkt samband á nýjum stað.

Sagt skilið við Vefsýn

Jæja, þá er seinasta vinnudeginum mínum hjá Vefsýn að ljúka. Vefsýn hefur reynst mér góður vinnuveitandi frá því í lauk fyrsta ári í tölvunarfræðinni fyrir nokkrum árum en nú er kominn tími til að ég afli mér nýrrar reynslu á nýjum stað. Við Vefsýnarmenn ætlum að eyða þess sem eftir lifir af degi í góðum félagsskaps hvors annars í borginni. Áætlað er að snarla, taka nokkur poolskot með bjór og taka svo veglegan kvöldverð á einhverju fínu veitingahúsi í bænum. Þakka ég Vefsýn fyrir liðin ár og óska því og starfsmönnum alls hins besta í framtíðinni.

Innflutningspartý haldið

Um daginn héldum við innflutningspartý þar sem nokkuð af fólki mætti. Logi var reyndar hálf þunnur eftir afmælisveistu dagsins áður þannig að myndavélin gleymdist alveg og mikill rólegheit voru yfir partýinu, líklega vegna þess hversu róleg við vorum. En margir kíktu bara inn í stutt stopp og stelpurnar voru þær einu sem héldu upp djammheiðri unga fólksins. En við tókum nokkrar myndar af íbúðinni, þetta er að vera íbúðarhæft sem og fylgja myndir af gjöfum sem við fengum :)

Afmælisuppákoma

Hugi átti afmæli á sunnudaginn þannig að við "drógum" hann á Ara í Ögri þar sem valdir menn komu og kíktu á kallinn. Þegar líða tók á kvöldið fækkaði í hópnum og á endum vorum við bara þrír eftir, ég, Hugi og Siggi, en það stóð ekki í vegi fyrir mikilli skemmtun. Þökk sé myndavélinni tókst að festa flestar uppákomur kvöldisns á filmu en ekki hefur verið ákveðið hvort þær fái að fara fyrir augu almennings, í dag eru þær aðeins fyrir þá sem voru á staðnum, og tóku þátt í herlegheitunum. Okkur tókst s.s. að skemmta okkur konunglega fram eftir kvöldi en skildum svo þegar miðnætti sló. Má vera að þetta skrall hafi tekið svoldið orkuna úr mér fyrir innflutningspartýið á laugardaginn...

Innflutningspartý...

Jæja, þá er loksins komið að því að halda uppá nýja heimilið. Það verður haldið uppá það nú nokkrum vikum eftir að við fluttum inn og öllum vinum, vandamönum og velunurum boðið. Ætlum að reyna að klára gluggatjöld og eldhússkápana áður en innflutingsparýið verður, það væri skemmtilegra að ná því. En þetta verður vonandi heljarinnar partý, þótt að ekki komist allir, en það verður seint hægt að skipuleggja eitthvað þannig að allir komast sem maður hefði viljað, enda er þetta nú kanski ekki svo stór íbúð til að taka á móti öllum sem við þekkjum :)
Ég er nú ekki duglegasti maðurinn að bjóða fólki þannig að ef þér og þínum hefur ekki veirð boðið endilega hafðu samband við mig fyrir helgi =)

Veikindavika

Ekki hefur vikan verið góð, einkenndist af krónísku kvefi sem hefur eyðilagt alla vikuna. Vinna hefur verið mjög óregluleg þar sem ég fór ekki vel út úr því að mæta til hennar á miðvikudag. Hulstursvinna fyrir Atómstöðina kláraðist í dag með strikamerki og þá bara eftir að lesa yfir. Heilsan en er að skríða saman. Nú er verið að uppfæra í Panther :) og síðan á að taka Villibráðahlaðborð með Kiwanis á morgun. Það verður gaman að endurtaka þetta frá því í fyrra, en best að vera ekkert að drekka of mikið, þá gæti maður endað á því að kaupa málverk dýrum dómi, en það verður að bíða betri tíma. Vonum bara að veikindin hafi ekki áhrif á bragð þannig að ég njóti þessa til fulls.

Sjónvarpsgláp

Það var nú bara tekið vel á sjónvarpinu í gær. Fór að verslaði inn ramma og gólfmottu fyrir stofuna í gær, sem og breiðbandslykil. Þetta var allt sett upp í gær og á meðan Bína skrapp að hitta stelpurnar varði ég mestum tíma fyrir framan sjónvarpið með allar rásirnar á breiðbandinu, en Síminn á líklegast bara eftir að læsa á þær hjá mér, annars er ekki verra að hafa náttúrlífs og fræðslustöðvarnar, það er hægt að gleyma sér endalaust yfir þeim. Hafði mjög gaman að nördaþætti um róbóta sem spila fótbolta og verkfræðikeppnir sem var á einhverri stöðinni. Ekki gæti ég samt verið með svona margar stöðvar, var góðan hálftíma að renna yfir þetta nokkrum sinnum og komast að því hvað væri áhugaverðar stöðvar og hvað ekki, svona nokkurn vegin :)

Skjár 2 í hús

Ætlum að fá okkur Skjá 2, þannig að ég fer og bið um Breiðbandslykil hjá Símanum í dag. Einn daginn ætla ég að vera með ýmsar dýra- og fræðusstöðvar, sem og teiknimyndatsöðvar, og þá er tilvalið að nýta sér Breiðbandið. Þannig að Skjár 2 verður hjá okkur a.m.k. næstu 2 mánuðina, sem er ágætt, CSI og bíómyndir, þannig að maður sleppur við að fara á leiguna, enda nóg að gera í því að koma sér fyrir í rólegheitunum og síðan fer að styttast í jólin...skrítið að IKSA sé ekki komið í jólafíling, það hlýtur að gerast á næstu dögum, reyndar voru nú komnar jólaseríur þar þegar við fórum í seinustu viku, en húsið hefur ekki enn fengið jólabúninginn hjá þeim...enn :)

Fótboltameiðsl

Mætti minns ekki í fótbolta í gær. Tók upp skóna og vitir menn, var ekki enn sandurinn af gerfigrasinu af Laugardalsvellinum frá sumrinu 2001. Þannig að eftir gott 2 ára hlé líður mér eins og 5 árum eldri þegar leikurinn var hafinn. Fyrsta snerting var auðvitað beint á löppina í gegnum sokkinn og löppin bólgnaði aðeins upp, en það stoppaði mig ekki í því að eiga slæman leik það sem eftir lifði leiks. Þetta gekk ágætlega í fyrrihálfleik hjá okkur, en síðan náðu andstæðingarnir undirtökum í þeim síðar og rúlluðu yfir okkur 8-4. Skemmtilegur leikur samt, nóg af mörkum og allir heguðu sér vel. Það var gott að komast heim eftir leikinn og fara í heitt bað. Dagurinn í dag einkennist því að fótboltameiðslum og aumum hálsi eftir baráttuöskur gærdagsins.

Ekkert skegg =)

Minns rakaði sig í gær, og hérna má sjá afraksturinn!
Þetta tók góðan tíma að skafa og ljósmynda. Mikil skemmtun að minni hálfu :)

Mismunandi hvað fólki finnst um andlisthárin mín, vinnufélgarnir vilja hafa mig eins og Wolferine eða St. James Motorcycle blub band. Elvis bartnarnir eru nú skemmtilegir, en ekkert sérstaklega þægilegir. Nú er bara spurning hvenær Bína klippir hárið á hausnum á mér. Hún er búin að vera veik og ekki farið í það enn, þannig að ég keypti mér bara hárgel í dag til að geta farið að sleppa undann derhúfunni.

Flutt inn

Þá erum við loksins komin inn. Fluttum inn á laugardaginn og sváfum fyrstu nóttina. Rosalega gott að vera kominn í eigið húsnæði þótt maður eigi nú eftir að sakna þess að búa hjá Bekku og Bödda í Steinahlíðinni. En þetta tókst á endanum og nú tekið bara við gott tímabil í að koma sér almennilega fyrir. Dagur bróðir, sem er vanur flutningum, segir að eftir svona hálft ár sé maður í raun kominn inn.
Settum upp gardínur í stofu og eldhús í gær, það munaði heilmikið um það. Ætla að sjá til hvort ég kaupi ódrýari týpu í dag og setji í herbergin. Síðan vantar borð í holið og fyrirhugaða sófaborðið er enn á Steinahlíðinni, en ekkert varð af flutningum í gær sökum verðurs og efast um að það verði neitt gert í dag. Jafnvel að þetta verið bara látið malla fram að næstu helgu. Síðan fauk líka skeggið, þarf að setja inn myndir af því.

Leiðinda veður

Óskaplega þungt yfir í dag, og komu meira að segja nokkur snjókorn áðan í 2 gráðu hitanum, frekar 2 stiga kulda. En parketið er komið á öll gólf og afgangarnir inn í svefnherbergisskápana. Nú er bara að festa listana og klára að festa klósettið og þá er þetta bara komið. Ætla að reyna að sækja ísskápinn sem Helga og pabbi keyptu handa okkur í gær. Fínast BEKO skápur sem smellpassar í eldhúsið. Þannig að helgin var með sama móti og seinustu helgar, það er bara vinna og aftur vinna. Litum inn í 3 ára afmæli til Svölu á sunnudaginn og fengum okkur rosalega gott að borða. Myndavélin er ekki hátt á lofti þessa dagana þar sem maður er svo upptekinn, en vonandi að þetta gangi bara vel í vikunni þannig að hægt verði að taka næstu helgi í góðum rólegheitum í íbúðinni :)

Leiðinda veður

Óskaplega þungt yfir í dag, og komu meira að segja nokkur snjókorn áðan í 2 gráðu hitanum, frekar 2 stiga kulda. En parketið er komið á öll gólf og afgangarnir inn í svefnherbergisskápana. Nú er bara að festa listana og klára að festa klósettið og þá er þetta bara komið. Ætla að reyna að sækja ísskápinn sem Helga og pabbi keyptu handa okkur í gær. Fínast BEKO skápur sem smellpassar í eldhúsið. Þannig að helgin var með sama móti og seinustu helgar, það er bara vinna og aftur vinna. Litum inn í 3 ára afmæli til Svölu á sunnudaginn og fengum okkur rosalega gott að borða. Myndavélin er ekki hátt á lofti þessa dagana þar sem maður er svo upptekinn, en vonandi að þetta gangi bara vel í vikunni þannig að hægt verði að taka næstu helgi í góðum rólegheitum í íbúðinni :)

Strætó í dag

Tók minn ekki bara strætó í dag. Það er hinn fínasti ferðamáti, eina vesenið að svoldið mál er að stilla tímastningar þannig að þær passi fullkomlega að deginum, en þetta var rosalega gott í morgunsárið. Ef ég hefði haft fréttablaðið meðferðis hefði þetta verið hreinasta sæluferð. Rosalega gott að þurfa ekki að pukrast áfram í umferðinni heldur láta bara einkabílstjórann sjá um málið. Þótt hann stoppi reyndar óþarflega oft á leiðinni til að taka upp puttalinga og fari ekki styðustu leið þá er nú hægt að fyrirgefa honum. En þar sem við ætlum í IKEA í dag að kaupa í baðherbergið þá var miklu betri hugmynd að Bína færi á bílnum í staðin fyrir að ég sé að missa tök á skapinu í umferðinni. Held að föstudagar verði strætódagar í framtíðinni =)

Parket verður keypt í dag

Þetta er búið að dragast nóg, nú verður farið að versla parket í dag. Við tókum okkur bara frí frá íbúðinni í gær og náðum í myndir til Nonna & Berglindar, ein 260 stykki, sem þau prentuðu í USA um daginnn.
Þannig að þrifin verða tekin í kvöld, og spurning hvort að byrjað verður á einhverri lagningu, það verður að ráðast af því hvernig lagningarmennirnir vilja hafa þetta. Þetta er víst lítið mál að leggja þetta, en ég ætla ekki fyrri mitt litla líf að þykjast hafa vit á þessu, það er ágætt að hafa menn sem kunna inná þetta. Þannig að ég er að fara í mína fyrstu parketlögn á næstunni :)

Flytjum inn 12. október

Málning ætti að klárast í dag, bara eftir að mála smá í forstofunni og aftur yfir baðið. Flísarnar eru að smella á eldhúsið og þá er bara baðið eftir. Þannig að heljarinnar þrif ættu að geta farið fram í vikunni og parketlög klárast jafnvel um helgina þannig að við getum byrjað að flytja dót inn í næstu viku og flytjum svo inn laugardaginn 12. október. Þetta er allt að smella, og nú vantar bara bönsh off monney til að gera fínt =)

Minnihluta neytandahópur

Ég er farinn að halda að ég sé í minnihluta í neytendasamfélaginu. Lúðulýsi hefur verið tekið af markaðnum, að mínu mati vegna þess að það var of hagstætt f. neytendur, og framleiðandi græddi líklega mun minna á því heldur en þorsalýsi. Þegar ég ætlaði svo að kaupa mér gult Extra jórturleður í dag þá hefur framleiðslu á því verið hætt, að mér skyldist í sjoppinni hérna við hliðina. Annað hvort er ég í minnihluta sem verið er að þarma að, eða þá að einhver er að herja á mig með afmáun neisluvara minna.