Einn heima

Skrítið að vera einn heima, man ekki hvenær það gerðist síðast og nokkuð viss að það hefi nú aldrei verið í 2 daga áður.
Þakka fyrir síma, samskiptamiðla og Facetime til að halda smá sambandi við fólkið mitt...hlakka til að fá þau heim =)
Annars nýtti ég tímann til að fara út að hlaupa þegar mér sýndist...enginn sem þurfti að sinna, þannig að ég var alveg frjáls til að ráða mér. Hlaup, matur og smá sjónvarp fyrir háttinn...notalegt, en fínt að þetta er bara í 2 daga ;)

Skálanes

Við náðum loksins ferð með óðalsbóndanum & fjölskyldu út í Skálanes. Palli&Erla og co. voru líka með í för þar sem þau voru á sama tíma á Seyðis og Helga nýtti tækifærið og kom með =)
Byrjuðum á bílferðum frá flugvellinum að Austdalsánni og þar skildum við okkar eftir og dreifðum okkur í bílana.
Stoppuðum á ströndinni, skellum upp báli og fórum í sjósund og hlýjuðum okkur við eldinn.
Endaði svo með kvöldmat í Skálanesi eftir að búið var að leggjast í pottinn yrst firðinum...æðislegur dagur, takk fyrir okkur, nokkrar myndir =)

Sindri fyndni

Ég og Sindri skelltum okkur á "Borum borum" gjörning sem var á laugardagsmorgni uppi hjá réttum í tilefni 100 ára afmælishátiðar Hugins. Þó svo að þessi gjörningur hafi nú mest lítið með íþróttastarfið að gera þá var þetta bara gaman og góð ámynning á hvað bæta þarf samgöngur í fjörðinn. 
Sindri byrjaði á að nappa af mér myndavélinni og mynda mig og fleira. Síðan þegar ég tók hana af honum þá lagði hann af stað uppað gangmunanum sem var hluti af gjörningnum. Ég elti hann í rólegheitunum þar sem ég hafði ekki heyrt að það væri stranglega bannað að fara þangað fyrr en gjörningurinn væri búinn. Sem betur fer var hlaupið á eftir okkur og við stoppaðir af áður en Sindri komst inn að fikta í sprengiefninu.
Þegar kom að því að smala öllum inní rétt þá stóð okkar maður á malarhól og benti öllum skilmerkilega hvert átti að fara eins og hann væri að stjórna...og hætti ekki fyrr en allir voru komnir á sinn stað.
Síðan var á endanum sprengt fyrir göngunum og það fannst mínum manni nú ekki lítið merkilegt og gat talað um það í góðan tíma á eftir. Hann er ákveðinn ungur maður sem þykist ráða ýmsu ;)

Lundarfar

Þá var komið að því að fara með Frænku uppí Sesseljulund eins og Jóhann var búinn að skipuleggja að gera í þessari Íslandsför. Hann og Bragi (með hjálp frá fleirum) smíðuðu Lundarfar og síðan var haldið til Frænku þar sem fleiri ættingjar bættust í hópinn.
Ferðin gekk vel og hafði Frænka það notalegt á hásætinu með sterka burðarmenn sem sáu til þess að hún þurfti ekki að stíga niður fæti alla leiðina.
Svo var stoppað í (eða hjá) Lundinum og nestið tekið upp og verðurblíðunnar notið áður en haldið var aftur niður með Frænku prinessu og fylgdarlið =)

Skokkað á Seyðis

Monsi fór með mér út að skokka á Seyðis í góðu veðri. Sérstaklega var þó gaman að hann fór með uppí Fjarðarsel og þaðan hlupum við gönguslóða í fjallshlíðunum inn að bæ sem ég hafði sérstaklega gaman af. Það var mjög skemmtilegt að hlaupa þarna og man ég ekki hvort ég hafi nú farið þessa gönguleið áður en finnst ég hafa verið á ferð þarna á skíðum fyrir mjög mörgum árum =)

Dagsafmæli

Dagur hélt uppá stórafmæli með alsherjar veislu og þar sem allir bræðurnir mættu ásamt systurinni þá varð ég að mæta og var þetta partý því ástæða snemmbúins sumarfrís í ár. Partýið stóð líka undir væntingum þar sem var grillað á 4 grillum og matur & drykkur flæddu út um allt og ofan í alla langt fram eftir. Við yfirgáfum nú stuðið löngu eftir miðnætti þegar allir krakkarnir voru sofnaði nema Bjartur. Hann hafði hreiðrað um sig í herbergi Sólar og lesið syrpur fram eftir kvöldi. Þegar hann kom svo loksins hafði hann sérstaklega gaman að því hvað allir voru hressir og í miklu stuði...enda var þetta alvöru partý sem lifði lengi og voru margar góðar sögur og nokkrar myndir =)

Kominn í sumarfrí

Þá er ég kominn í frí.  Síðast færsla var fyrir mörgum mánuðum og þarf ég að fylla inní það tímabil við tækifæri ;)

Nú erum við komin á SEY í fínasta veður og ligg ég í steik þó svo að veðurspár segi að það sé skýað og 11 stiga hiti...feels like 20. Þannig að útlit er fyrir að við verðum hér fram yfir mánaðarmót :)

Tvísöngur

Skelltum okkur í smá gönguferð uppí Tvísöng. Gaman að sjá þessa viðbót við skemmtilega staði til að heimsækja á Seyðisfirði og líka gaman að vera hinu megin í firðinu og taka eftir "barbapabbahúsinu" ;)

Barnalán

Langaði alltaf í 5 börn...alveg frá því ég var "lítill" en hugsaði samt að 3 væru "lágmark" og get ekki sagt annað en að ég sé hæstánægður með þeesi 4 sem við Bína eigum. Ég held að þetta sé þokkalegur árangur...ég fengi 2 í einkunn fyrir hvert þá væri þetta 8 sem ég tel mjög gott...Bína fengi 10 í einkunn fyrir að þurfa að sjá um mig líka ;)

Bjartur 9 ára

Bjartur var alsæll með nýtt hjól. Fékk reyndar ekki litinn sem hann vildi, en hann tekur sig vel út í bláu =)
Hann er nú mikið fyrir að nördast í tölvunni eins og pabbi sinn og því upplagt að fá eitthvað sem vekur áhugann á útiveru í sumar.

Mission Hafnarfjörður

Það var heilmikið stuð í óvissuferð Víðivalla í ár. Búið var að skipta í í lið og gefa öllum hlutverk löngu áður og mikið keppnisskap komið í mannskapinn...sem og drykkjuskap ...en aðallega bara gott skap ;)
Eftir að hafa skottast út um allan fjörðinn þá enduðum við öll á saman stað og skemmtum okkur fram eftir nóttu og var þetta frábær dagur í alla staði =)

Sunna balletmær

Enn eitt árið í balletnum búið hjá Sunnu og annað skiptið sem að hún er með í sýningu í Borgarleikhúsinu. Ótrúlega gaman að fá að fylgjast með henni á sviðinu og vissulega vorum við öll (Ég, Böddi, Bekka, Bjartur, Dagný & Þyrí) að rifna úr stolti, en Bína var baksviðs að passa ballerínurnar.
Kynnarnir voru þeir sömu og í fyrra og ég held að Bjartur hafi skemmt sér enn betur en í fyrra ;)
Dagný fannst frekar flott að sjá alla þessa dansa og endaði sitjandi á tröppum uppað sviðinu þar sem hana langaði mest að vera komin upp líka og verður væntanlega þar með systur sinni að ári.

Agile námskeið

Það var góður eftirmiðdagur með góðu fólki sem kom á Scrum & Kanban grunnnámskeið hjá BEZTA (Dokkunni) sem ég sá um að kenna og meira um það á Agile síðunni minni.

Dagný ballerína

Enn einu árinu lokið hjá Dangý í ballet með sýningu fyrir alla fjölskylduna. Það var leikið áður en sýningin byrjaði og síðan byrjuðu þær að dansa og voru rosalega flottar. Sindra var nú farið að leiðast undir lokin þannig að hann skellti sér út á gólfið líka. Sunna ætlaði að fjarlægja hann en endaði bara að þau tóku þátt í restinni af sýningunni hennar Dagnýjar og henni fannst það ekkert leiðinlegt ;) Myndir frá sýningunni.

Sunna hlaupadrottning

Víðavangshlaupið á Víðistaðatúni var í haldið í sólskyni á köldum degi. Dagný var það kalt að hún endaði á að gefast upp í hlaupinu.
Sunna ákvað að hlaupa ekki með systur sinni í ár og stóð tilbúin í sömu sporunum í hálftíma áður en var ræst.
Ég hjálpaði Dagný & Sindri að komast áfram og rétt heyrði í hátalarakerfinu "Sunna Logadóttir" og náði að smella mynd af henni á pallinum.
Síðan hljóp Bjartur (reyndu að finna hann) og eftir það drifum við okkur heim að fá heitt kakó hjá mömmu.

Helgamma í heimsókn

Helgamma kom til okkar yfir páskana og var það að vanda ánægjuleg heimsókn. Það eru alltaf allir hæstánægðir að hafa hana á heimilinu og það gaf okkur líka góða ástæðu til að bjóða heim í smá grímupartý sem Sunna átti inni eftir að hafa misst af öskudeginum vegna veikinda. Þar mættu ýmsar verur eins og galdranornir og kanínur.
Páskar með tilheyrandi páskaeggjaleit, notalegir morgnar, farið á leikvelli, í lestarferð, heimsóknir og ýmsilegt var brallað.
Það voru hálf leið andlit sem horfðu á eftir Helgömmu fara í flugvélina og sumir voru ekki sáttir við brottkvarf Hebböggu, Hebbu eða Evu eins og Sindri var byrjaður að kalla hana...nú bíðum við bara spennt eftir að hún komi aftur =)

Mótorhjólagengið

Snorri fékk sér mótorhjól um daginn og við kíktum í heimsókn til Gauta & co. þar sem allir fengu að fara út og prófa hjólið. Síðan var líka svissað rafmagninu á og prófað að flauta og þá var ekki aftur snúið. Sindri var manna verstur í að fluta út í eitt og varð svo ekki sáttur ef rafmagnið var tekið af ;)
Hann var ekki leiður að finna svo mótorhjólið aftur í sumarfríinu á Seyðis og fiktaði þá eins og hann gat þannig að hann fitkaði meira segja í því eina sem hann átti ekki að fikta í og endurstillti teljarann.

Sunna dundari í vinnunni minni

Páskafrí hjá skólakrökkunum. Bjartur sáttur við að geta verið heima í tölvunni en Sunna er ekki jafn mikið fyrir að vera ein í reiðleysi allan daginn þannig að hún kom með mér í dag. Hún gat dundað við ýmsilegt og meðan annars að fá að lita á tússtöflu þar sem hún teiknaði mynd af sér og Sindra enda eru þau ágætis vinir og síðan var myndinskreytti meira. Það fer nú ekki mikið fyrir henni og hún og sumir vinnufélagar spurðu hvort hún væri alltaf svona róleg ;)
Á svona dögum langar mann að geta verið bara í fríi og eytt meiri tíma með þeim :| en ef ég man rétt þá fengum við okkur ís á leiðinni heim og vorum nú ekkert allt of lengi í vinnunni, ótrúlegur lúxus að geta fært tíma til og unnið það upp seinna (þá eru allir sáttir).

Farinn í frí?

Dreymdi að ég var í ókunnri vinnu en þurfti að taka mér frí...sem mér þótti mjög leitt og erfitt...var ekki að fara að gera neitt...bara að fara í frí...merkilegt að vera svo bent á þetta "hvetjandi" myndband þar sem umræðuefnið er það sama.
Ætli þetta sé ekki bara tengt því hvað mikði er í gangi og ég þarf að ná að komast yfir ýmislegt þess dagana. En ég náði mér í þetta forrit og gaman að prófa að ná sekúndu af hverjum degi saman í eina myndbands"súpu" =)

Hleðslustöð (fyrsta útgáfa)

Oft hefur verið rætt um það á heimilinu að vera með hleðslustöð þar sem símar & fleiri iPod-dar geta fengið hleðslu en aldrei neitt verið gert í því. Þegar snjallsímar eru nú komnir á heimilið var orðið tímabært að gera eitthvað í málinu.
Á mánudaginn var skipulagsdagur og allir heima og ég í fríi...þó ég hafi nú meira gaman af því að nýta þessa daga í að fara á flakk með krökkunum þá gafst tækifæri á að koma upp þessari margumræddu hleðslustöð. Ég vissi nefnilega að það var ein ein hvít plastskóhilla fyrir mér í geymslunni eftir að við settum 2 inní eldhús undir blöð og fleira en þær voru bara seldar 3 saman í pakka.
Þannig að gat var gert fyrir fjöltengi og síðan skorið út fyrir snúrum og allt þrætt, tengt & hengt uppá vegg og svona leit þetta út hrátt á gólfinu áður en ég hengdi upp.

Nokkur sóðaskapur fylgdi þessu og fékk ég góða hjálp frá Sunnu við að þrífa...og Sindra sem var reyndar meira áhugasamur um að sóða út og fikta í verkfærunum ;)
Þegar ég setti snúrurnar varð ég að skipulagsnördast aðeins og merkja þær með plastperlum þannig að báðir endar á hverri snúru eru "litamerktir" eins og sést á myndinni efst...það er bara eitthvað við svona skipulag sem ég fíla pínu ;)
Þegar að allt var tilbúið var kominn tími fyrir Sindra að taka smá kríu og héldum við okkur því heima þennan skipuldagsdaginn =)

Agile fyrir alla

Bauðst að koma að Agile innleiðingu hjá fyrirtæki út í bæ eftir að hafa hitt vinkonu í kjúklingabiðröðinni í Samkaup fyrir áramót. Ég sló til og hafði mjög gaman að kíkja á þau tvo morgna og hlakka til að fá að heyra hvernig þetta gengur & þróast hjá þeim.

Veikindatíð

Eins og oft áður byrjar árið á því að við klárum veikindadaga barna. Fyrst byrjaði smá flesna og síðan tók hlaupabóla við hjá Dagný eina viku og Sindra næstu viku. Síðan var flensan tekin með trompi: fyrst Sunna í viku og síðan Bína í viku. Bjartur og ég tókum þetta á um sólahring og fórum einna best út úr þessu tímabili ;)

Tími og ekki

Allt of mikið að gera og allt of mikið í gangi...virðist oft vera á þessum tíma ársins...eða kannski er þetta alltaf svona ;) Allar vígstöðvar á fullu og erfitt að ná utan um nokkurn skapaðan hlut. Einhvern veginn tekst mér alltaf að kenna tímaleysi um þegar vandamálið er frekar mínar ákvarðanir um að reyna að gera allt ;)
En þá er bara að taka til, klára það sem þarf að klára...leyfa öðru að bíða og endurskipuleggja svo...amk leyðist manni ekki ;)

Grænmetið sem hvarf

Sunna hóf skáldsagnaferilinn um daginn. Hún kom ítrekað að fá leiðbeiningar um hvernig ætti að skrifa orð rétt og tók góðan tíma að myndaskreyta, klippa og setja söguna í rétt form. Það var því orðin eftirvæting að sjá hversu löng þessi saga væri miðað við tímann sem fór í hana og hér má sjá frumraun hennar...meistarastykki og ekki hægt að segja annað en þetta byrjar vel hjá henni =)

Annáll 2012

Árið átti að nýta til að pússa okkur saman. Þetta hefur verið erfið fæðing en þegar Bína stakk uppá að ná okkur í hlaupársdaginn á árinu og halda uppá það á 4 ára fresti var ég strax hrifinn af þeirri hugmynd. Þannig að við stungum af í brauðkaupsferð til Kaupmannahafnar án þess að nokkur vissi af.
Síðan tókst okkur að halda giftingarpartý undir lok árs til að fagna þessu með vinum & vandamönnum =)
Ekki seinna vænna að koma þessu frá nú er bara að sjá hvað næstu 10 ár bera í skauti sér.

Bjartur byrjaði árið í karate sem hann gafst nú uppá áður en að kom að annari gráðun. Orðinn 8 ára og veit fátt skemmtilegra heldur en að fá að leika sér í tölvu og safna síðu hári ;)

Sunna 6 ára kláraði leikskólann og átti eftirminnilegum leik sem Þyrniblóm. Síðan byrjaði hún í grunnskóla og ekki slæmt að eiga stóran bróður til að fara samferða í skólann.

Dagný er alltaf saman skemmtunin og aldrei lognmolla yfir lífinu í kringum hana. Þegar maður er orðin 4 ára er maður yfirleitt með svörin við öllu. Hún er dugleg að æfa sig í 2ja ára gutti sem er algjör bílakall, einstaklega uppátækjasamur og vill alltaf ráða…enda ekki annað hægt með 3 eldri systkin.

Sumarið var hefðbundið þar sem við skelltum okkur austur…en kannski óhefðbundið var að það var þokkalegt veður fyrir austan. Reyndar var leiðindaveður þegar Lunga var en fyrir og eftir vorum við í góðu veðri sem hefur ekki gerst í mörg ár.

Annars er alltaf mikið að gera á stóru heimili með mikið að ungum börnum. Nú eru búin að vera bleyjubörn á þessu heimili í 8 ár og við sjáum framá að verða jafnvel bleyjulaust heimili á komandi ári =)

Ég skipti óvænt um vinnu á árinu. Átti mjög góðan tíma hjá Landsbankanum og fannst ég stoppa allt of stutt þar. En Hugsmiðjan tók vel á móti mér og mér líst rosalega vel á nýju fjölskylduna mína á Snorrabraut 56.

Jólin komu allt of fljótt eins og alltaf og veikindi hafa aðeins verið að flækjast fyrir okkur yfir hátíðirnar. En Bína er alltaf jafn góð að hugsa um mig og fjölskylduna og var þetta góður tími eins og alltaf. Enduðum svo árið hjá Möllu&Þresti & co. þar sem var slegið upp dýrindis veislu og árið kvatt með dansi & söng.

Sindri 2ja ára

Litli herramaðurinn orðinn 2ja ára. Það er eitthvað svo stutt síðan hann kom og hefur bara lífgað uppá þennan hóp.

Brúðkaupspartý

Eftir að við giftum okkur á laun fyrr í ár þá áttum við alltaf eftir að halda smá partý til að fagna þessu almennilega með vinum & vandamönnum.
Það tókst að skella í partý 27. október og má finna ýmsilegt því tengt á brúðkaupspartýsíðunni sem að við notuðum til sem bjoða & safna saman skráningum. Nú má þar finna myndir úr partýinu og einnig loforðin sem okkur voru gefin í góðum leik í veislunni ;)
Þetta var frábært kvöld og æðislegt að eiga það með góðu fólki, takk allir sem mættu og þið öll hin líka sem komust ekki eða var ekki boðið =)

Jóladagatal Krílanna 2012

Desember er genginn í garð. Það var ýmislegt sem átti að vera búið að gera áður en hann kæmi...en enginn skaði þó það ég hafi ekki verið tilbúinn með allt. Bína er í það minnsta með þetta allt undir "control" =)
Ég er kominn með mitt dagatal og fjölskyldudagatalið var það fyrsta sem var gert í byrjun mánaðar eins og hún hefur passað að hafi verið komið upp síðustu tvö ár jafnframt því að setja saman dagatal fyrir mig.
Ég tók nú lítinn þátt í þessari snilld en hafði ofan af fyrir Sindra sem veit ekkert skemmtilegra en að rannsaka heiminn og böðlast með allt sem hann finnur. Stærri krakkarnir voru öll mjög dugleg að hjálpa til og frábært að fylgjast með þessu fæðast hjá þeim í sameiningu þar sem að Bína fékk þau í lið með sér að skapa þetta...æðislegt fólk sem ég hef í kringum mig.
Nú er spennandi að sjá í byrjun hvers dags hvað dagatalið segir og oftar en ekki eitthvað sem allir taka þátt í og verður hin mesta skemmtun úr =)

Jóladagatal Loga 2012

Það er gott að vera vel giftur og ég til mig svo sannarlega vera það. Gott að sjá að það hefur engu breytt fyrir þó að við séum nú gift, Bína passar uppá mig eins og áður um jólin.
Ég var alveg sérstaklega á nálum yfir þessu og daglega að spyrja Bínu hvenær hún ætlaði að fara að kaupa í dagatalið sem endaði á því að hún viðkenndi að hún væri löngu búin að þessu til róa mig =)
Hún kann líka að matreiða þetta...innpakkað í svart með rauðum hjörtum, þetta lúkka alveg og innihaldið heldur mér spenntum í 24 daga ;)

Skipulagsdagur

Það er afskaplega gott að verða að taka sér frí til að sjá um krakkana þegar það eru sameiginlegir skipulagsdagar í leik- & grunnskólun Hafnarfjarðar eins og var í dag. Þó þeir séu vissulega full margir yfir árið þá er alltaf gaman að eiga auka dag sem er hægt að skipuleggja með þessu yndislega fólki þó svo þeir séu teknir launalausir ;)
Sindri svaf nú nokkuð lengi miðað við undanfarið en hann hefur tekið uppá því að vakna fyrir allar aldir og ekkert farið leynt með það að hann sé kominn á lappir og vilji fá einhvern til að taka sig úr rimlarúminu. En í morgun svaf hann aðeins lengur og þegar búið var að koma einhverju ofan í alla og klæða þá héldum við út í bílinn.
Fyrst var ferðinni heitið í Þjóðleikhúsið þar sem við hittum Hall afa og fengum að skottast út um allt leikhús. Leikmyndin af Dýrunum í Hálsaskógi var ekki á sviðinu en þegar hún var fundin í hliðarsal þá var nú ekki leiðinlegt að fá að príla og hlaupa eins og hamstur í bakarahjólinu, sjá hvar Lilli fór uppí tré, skoða kökurnar og bara fá smá tilfinningu fyrir þessu öllu saman. Það er alltaf mikill spenningur að fá að ráfa um í leikhúsinu hjá Halli afa og það eina slæma er það þurfa fara en Sindri var orðinn eirðarlaus af þreytu eftir langa heimsókn og þurfi nauðsynlega að fá smá lúr.
Eftir smá bíltúr hann var dottinn og við fórum niðrí vinnuna þar sem Bjartur hafði aldrei komið þangað. Þar nældum við okkur í snúða og kókómjólk og hittum hundinn Skellu sem var í heimsókn. YoYo ís var næsti viðkomustaður enda í næsta húsi þannig að það var upplagt að ná smá hádegisís áður en haldið var í sund.
Sindri vaknaði þegar við héldum af stað eftir ísinn og fékk góðan skammt af snúðum á leiðinni til að vera tilbúinn í sundferð.
Ásvallalaugin er alltaf þægileg þegar kuldinn er kominn og erfitt að vera úti þegar við erum ekki með gott fitulag til að verja okkur. Dagný hitti vinkonu sína og skemmtu allir sér konunglega að renna í rennibrautinni og endaði ég á að gefast upp erftir þónokkrar ferðir. Sindra fannst ekki leiðinlegt að fá að renna með pabba og fékk líka að taka ferðir með Bjarti og Sunnu sem þau höfðu jafnvel meira gaman af. Þegar tókst að komu öllum í gegnum sturtu og í föt pulsuðum við okkur upp og héldum heim =)
Það eru nokkrir skipulagsdagar eftir fram að sumari og verða vonandi allir jafn góðir og þessi =)

GoKart

Ég & Bjözzi skelltum okkur í GoKart og hann hafði betur. Það eru komnar nokkrar ferðir í ár og það er bókað að það verður amk ein til viðbótar og vonandi verða þær jafn margar á næsta ári =)
Það var ungt par með okkur í þessari ferð og hafði það smá áhrif. Bjözzi var fastur á eftir honum á meðan ég var á bremsulitlum kagga fastur á eftir henni. Fékk að finna vel fyrir böttunum á meðan ég var að læra á bremsurnar og síðan var ég í mesta basli að komast frammúr en náði aldrei að ná þeim.

Bestu tímar:
Bjözzi: 41.97
Logi: 42.95

Ættarhittingur

Mættum á ættarhitting í dag og á meðan "eldra" fólkið var inni við hljóp yngra fólkið um og lék sé í portinu. Sindri var skemmt við að taka upp þurr laufblöðin og henda þeim út um allt...ekki á hverjum degi sem hægt er að sóða út án þess að vera skammaður. Hann fékk reyndar ekki jafn blíðar móttökur þegar hann mæti inn með hendur fullar og dreifði yfir salinn ;)

Sunna 6 ára

Hún er alltaf jafn yndisleg þessi prinsessa sem er öllum svo góð og allt virðist vera henni mögulegt. Ég held ég þekki fáa einstaklinga sem eru jafn góðir og tilbúnir að hjálpa til og gera næstum hvað fyrir aðra eins og þessi litla snót. Það er frábært að eiga svona litla stelpu á heimilinu og fá að sjá hana vaxa úr grasi, litla skólastelpan.

Dagný 4 ára

Þessi stelpa er orðin 4 ára...og það er merkilegt að hún sé ekki eldri hún er svo fyrirferðamikil ;) Það er aldrei lognmolla í kringum hana og alltaf sama stuðið. Á morgnanna er vaknað í hressu skapi og því er haldið í gegnum daginn og jafnvel þó hún sé þreytt og pirruð þá er hún alltaf fljót að snúa öllu uppí grín og hafa gaman að hlutunum. Stórt knús á hana sem er alltaf svo dugleg að knúsa & kyssa...þó svo að strákarnir á leikskólanum séu ekki jafn hrifnir því og ég ;)

Lúðvík XII

Lúðvík er einstaklega góður, hreinasta sælgæti og hverrar krónu virði ;)

Skipulagsdagur

Einn af 6 skipulagsdögum í Hafnarfirði var í dag. Það hentar ekkert sérstaklega vel að eiga leikskólakennara þegar að hún getur aldrei verið heima þegar þessir dagar koma upp ;)
En á móti verð ég að taka mér frí og það er ekki leiðinlegt að skella sér í sund með þessu liði í haustsólinni og stússast um bæinn. Bjartur hafði reyndar engan áhuga enda er hans líf farið að færa æ meira í Minecraft með hverjum deginum. Nokkuð magnað hvað hann er klár í þessum leik og þeir fá oft að vera 2-3 að spila saman heima þannig að skiljanlega er það meira spennandi en margt annað ;)
Ég, Sunna, Dagný & Sindri skellum okkur í sund og veðrið var einstaklega gott þar sem við lágum í sólinni í "gömlu" Kópavogslauginni í góðan tíma og allir voru sáttir þó að yngstu (sérstaklega Sindri) væru orðin þreytt...enda tóku þau góðan lúr í bílnum á meðan ég og Sunna stússuðumst smá.
Þau vöknuðu svo tímanlega til að kíkja með í nýju vinnuna og síðan var farið í ísbúð á leiðinni heim sem er aldrei leiðinlegt.
Myndina tók Bína af stelpunum einhvern af síðustu morgnum, hún er bara svo skemmtileg að ég var að nota hana =)

Skólafólk

Þau voru afskaplega mikil krútt á leiðinni í skólann þegar ég rakst á þau fyrir utan leikskólann...ekki leiðinlegt að eiga stóran bróður til að hjálpa til við að byrja skólagönguna =)

Hugsmiðjan heilsar

Aðeins örfáir dagar komnir hjá Hugsmiðjunni og mér líst rosalega vel á staðinn og fólkið. Ég er mjög spenntur að komast inní málin og taka virkan þátt í framtíðinni með þeim og það er margt sem liggur fyrir að koma í fastari skorður og verður gaman að takast á við. Andinn virkar mjög vel á mig og ég fæ ekki betur séð en að þarna sé saman komið einstaklega gott og skemmtilegt fólk sem ég hlakka til að kynnast betur á næstunni og um ókomna tíð =)

Síðasti vinnudagurinn...

...í Landsbankanum í dag eftir á 3ja ár sem ég hef lært margt af. Á þessum tíma hef ég kynnst mjög vel Agile hugmyndafræðinni auk þess að hafa verið í þremur teymum sem hafur gefið mér mikið. Full af frábæru fólki og góðar minningar sem ég tek með mér. Hlakka til að sjá hvert þau fara með bankann minn =)

Gamification

Skráði mig í námskeið á netinu í Gamification sem byrjar mjög vel. Þegar eru tvær vikur búnar og fyrsta verkefnið sem var aðeins 5 spurningar en þó þurfti ég að hugsa mig vel um á 2 þeirra og önnur fannst mér snúin, en þetta endaði allt rétt eftir smá íhugun.

Námskeiðið er skemmtilega sett upp:

• Myndskeið í hverri viku (um 5 stykki sem eru um 10 mín að lengd) og í þeim koma spurningar inná milli sem hægt er að svara, svona til að sjá hvort allir eru ekki öruglega að meðtaka ;)
• 4 krossapróf þar sem niðurstöðurnar birtast strax og búið er að svara og skýring á möguleikunum. Reyndar er hægt að taka það oftar en einu sinni, á eftir að sjá hvernig það virkar.
• 3 skrileg verkefni sem aðrir nemendur fara yfir og gefa einkunn (það verður fróðlegt, amk nóg af fólki en það voru 8000 nemendur búnir að skrá sig)
• Lokapróf sem er krossapróf með áherslu á seinni hluta námskeiðsins

Fyrirlestrarnir eru stuttir og skemmtilegir og þægilegt að sjá kennarann samhliða (inná) glærunum og hann er líka aðeins að brjóta þetta upp t.d. með að hafa falin skilaboð í fyrstu myndböndunum...sem ég á enn eftir að reyna að leysa ;)
Mæli með að skoða Coursera því þarna eru námskeið af öllum toga og allir ættu að geta fundið eitthvað við sitt hæfi.

Sunna fótboltastelpa

Fyrsta fótboltamótið hjá Sunnu var í dag. Við mættum snemma og fljótlega fylltist allt af ungum fótboltakeppendum og foreldrum. Þær voru nú ekki alveg með á nótunum hvað var að gerast í fyrsta leik og gaman að því hvað það þurfti að útskýra allt fyrir þeim. En þær voru fljótar að ná þessu og næsti leikur var á móti "gestaliði" sem vildi svo vel til að vera foreldrar. Þeim tókst nokkuð auðveldlega að sigra okkur og skemmtilegt að fá að taka þátt í mótinu með þeim (eða móti þeim).
Leikirnir voru kláraðir og gaman að sjá að leik loknum tókust þær í hendur og síðan dönsuðu liðin sem voru að spila saman í hring og sungu "Ole". Ég er ekki viss um það verði alltaf svo mikil samheldni í framtíðinni hjá þessum fótboltastelpum ;)
Síðan var verðlaunaafhending og myndataka af liðinu. Frábært mót og gaman að taka þátt og sjá þessar upprennandi fótboltastjörnur taka sín fyrstu skref.

Snorri

Nonni&Begs redduðu mér Snorra sem er aðeins fáanlegur í flugstöðinni...veit ekki hvort Snorri sjálfur væri ánægður með það ;)
Einstaklega íslenskur bjór með blóðbergi sem gerir hann einstaklega "náttúrulegan". Bína var mjög hrifin af honum en það eru enn aðrir Borgara sem ég tek fram yfir hann, en skemmtileg viðbót við fjölskylduna.

Gleðiganga í rigningu

Við létum okkur ekki vanta í gleðigönguna í ár, frekar en síðustu ár. Full mikil rigning var og var myndavélin skilin eftir en það náðist þó ein mynd af krökkunum tilbúnir í pollagöllum áður en haldið var út í rigninguna og tekið þátt í gleðinni =)

Vann mér inn broskall

Ég þurfti reyndar ekki að hafa mikið fyrir því að vinna mér inn þennan broskall um daginn. Í Fjölskyldu- & Húsdýragarðinum hafa í sumar verið uppblásnar kúlur sem hægt er að fara út á vatn. Ég fór...og fékk þennan broskall...þetta er reyndar til að merkja þar sem hver dagspassi má bara fara einu sinni...en ég held að þessi broskall hafi átt vel við því áhorfendur virtust skemmta sér vel. Ég tók nú ekki mikið eftir því en allir foreldrar voru mjög brosmildir þegar ég kom úr kúlunni og margir ábyggilega haft gaman af að horfa á mig veltast um. Þetta var samt alveg merkilega erfitt og var ég alveg búinn í góðan tíma á eftir =)

Opið eða lokað

Ég set ýmsar upplýsingar hingað á netið og einnig ljósmyndir af fjölskyldunni fyrir hvern sem er til að sjá og skoða. Ég spái ekki mikið um réttindi upplýsinga og trúi því að allt efni á sig sjálft og hver sem er ætti að geta notað það til að byggja á. Þetta var vel orðað hjá góðum kennara sem kenndi mér við Háskóla Íslands þegar hann sagði Góðar hugmyndir eru til tvenns nýtilegar: að græða á þeim eða stela þeim.
Hvernig hugmyndir þarfnast annara hugmynda er mjög vel lýst í þessum fyrirlesti og einnig annar skemmtilegur um kynlíf hugmynda sem styður þetta.

En þó að ég trúi á fresli hugmynd og myndi vilja að efni væri merkt með opnum leyfum þá er spurning hvort það réttlætir það að ég setji myndir (eða upplýsingar) af börnunum mínum á netið?
Þó að ég geti sagt að ég eigi þessi börn þá eiga þau sig sjálf (að mestu) en ég ber ábyrgð á þeim og hagur þeirra er vissulega framar öllu. Því velti ég fyrir mér hvort þeirra gögn ættu að vera lokuð...flest allt eru þetta upplýsingar fyrir mig, þau, okkur, fjölskyldu og vini sem ættu jafnvel ekki að vera opnar fyrir hverjum sem er? Eða þá að ég ætti að minnsta kosti að stjórna því hver hefur aðgang að þeim?

Ekki nóg með að ég þarf að lifa með þessari ákvörðun heldur þurfa þau líka að lifa með henni og ég vil ekki að þetta geti á nokkurn hátt skaðað þau.

Er ég of auðtrúa að það sé í lagi að hafa allt opið og aðgengilegt eða er það ofsóknaræði að loka allar upplýsingarnar af?

Að horfa á eftir börnunum

Fylgdi Sunnu í dag á leikjanámskið áður en að hún byrjar í grunnskóla. Merkilegt hvað tíminn líður hratt og þau vaxa fljótt upp. Ekki nóg með að hún hjólaði sjál alla leiðina heldur ætlaði Bjartur að fylgja henni heim, en hann mætir klukkutíma seinna á sitt leikjanámskeið.

Þegar ég fylgist með krökkunum vildi ég geta gefið þeim allt og uppfyllt allar þeirra óskir...en sem betur fer get ég það ekki. Þetta er þeirra líf og þau verða að upplifa það á sínum forsendum og hafa lítið að gera með að fá allt uppí hendurnar. Ég mun vissulega gera allt sem í mínu valdi stendur til að hjálpa þeim og vil allt fyrir þau gera en ég verð líka að leyfa þeim að vaxa í friði.

Stundum dettur maður í það far að reyna að stjórna þeim og "móta" þau eftir mínum hugmyndum. Í staðin þarf ég að reyna að leiðbeina þeim í rétta átt ef þau fara ranga leið og vera til staðar ef þau þarfnast mín. En ég þarf reyndar líka að gefa mér tíma til að verja með þeim í þeirra "heimi". Það er merkilegt hvað ég get verið upptekinn við að sinna hlutum sem mér finnst mikilvægir og vissulega finnst mér ég eiga að gera það...en í raun skipta þeir engu máli þegar krakkarnir vilja hafa mann nálægt og gera (nánast) hvað það sem hugmyndaflugið dregur þau áfram í. Ef þau hafa áhuga á einhverju ætti það að vera nóg og ættu bara að fá stuðning í því, hversu óþolandi eða skítugt það kann að vera ;)

Stundum verð ég þó að ráða, en ég verð að komast inná að gera það að sameiginlegri niðurstöðu í stað þess að vera alltaf að stjórna og vinna með þeim að lausnum sem allir eru sáttir við (win-win).

Um daginn fékk Dagný martröð að pabbi(ég) væri skrímsli og mamma talaði við eins og ekkert væri eðilegra. Ég vil ekki vera skrímsli í augum barna minna og þarf að hugsa hvernig ég er kem fram við þetta yndislega fólk "mitt" þannig að ég verði aldrei skrímsli í þeirra augum...nema bara í stakri martröð =)

Sumarfrí á Seyðis

Eftir nokkra góða saga í sólinni heima fyrir skelltum við okkur með skarann í bílferð austur á Seyðisfjörð. Náðum að keyra með smástoppum alla leið á Akureyri þar sem við skelltum okkur í sund. Að baðferð lokinni fengum við okkur að borða og héldum ferðinni áfram og komum óvænt á Múlaveginn undir kvöld.
Blíðviðri tók á móti okkur á Seyðisfirði og mörg ár síðan við höfum fengið lengt í góðu veðri þar…ætli það hafi ekki verið svona gott því enginn vissi af komu okkar ;)
Sindri var með streptó og eitthvað þurfti ég nú að ná mér í pest og þrátt fyrir að reyna að halda henni í skefjum með verkjatöflum var ég orkulítill næstu vikuna.
Þrátt fyrir að við gerðum nú ekkert merkilegt þá er alltaf gott að vera í fríi (heima) á Seyðis. Hefði viljað hitta meira fólk og drekka meiri bjór, en það tókst að taka kortu með Snorra, fá spákaffi, njóta veðursins, sundferðir, hoppa á trampólínu, lækjarferðir, leikvellir, út að borða á Skaptfell (loksins fengum við okkur pizzu þar) og síðan haft það gott eins og hægt er að sjá af myndunum frá fríinu á Seyðis.
Eftir um 2 vikur lögðum við af stað heim og ákváðum að fara suðurleiðina. Vorum nú ekki jafn snemma á ferðinni eins og þegar við komum og lögðum ekki af stað fyrir rétt fyrir hádegi. Eftir klukkutíma ældi fyrsti krakkinn og næsti klukkutíma seinna þannig að það leit nú ekki út fyrir að þetta yrði auðveld ferð. Tókum sundferðina á Höfn þar sem við vorum svo "sein" fyrir og þurfti að þrífa suma eftir bílveikina.
Sindri var þá kominn einhverja augnsýkingu sem ágerðist yfir daginn og þegar við renndum inní bæinn fórum við með hann beint uppá vakt þar sem hann fékk lyf við auganu og var hann þá orðinn eins og vel kýldur slagsmálahundur en alveg merkilegt hvað hann var duglegur og lét ekki í sér heyra fyrr en þegar við renndum í hlað á vaktinni.
Hann náði sér svo strak og við áttum notalega daga heima þar til nú er sumarfríið á enda í ár og myndirnar í júlí eru bara af ferðum í húsdýragarðinn (enda fínt að nýta kortið). Rólegt og notalegt frí og gott að ná góðum tíma á Seyðis í góðu veðri =)

Sumarfrí

Sumarfríið byrjað og fyrsta verk var að klippa mig...búinn að bíða lengi að létta af hausnum og fór einmitt og keypti nýjar klippur í gær og það fyrsta sem ég gerði þegar ég kom heim var að klippa mig =)
Í dag var tekið aðeins til og létt á geymslunni og síðan skellti ég mér í sund með stelpunum...nú er bara að komast í frí gírinn =)

Fyrsta útilegan í fimm ár

Enduðum í útilegu um helgina við Apavatn. Brakandi blíða og það lá við að allir önduðu léttar þegar skýin dróu sig fyrir ;) Fengum lánað tjald og fleira þannig að við komumst með góðu fólki. Fengum sem betur fer líka lánaðan hitablásara því annars hefði orðið aðeins of kalt og sérstaklega þegar það helliringdi yfir hánóttina. En sem betur fer var ekki rignin á sunnudagsmorgninum og hægt að koma öllu & öllum þurrum í bílinn.