Óvissuferð Víðivalla

Komst óvænt með Bínu í óvissuferðina hjá Víðivöllum þegar að ljóst var að það var pláss og tengdó gátu passað. Farið var í rútuferð á Draugasetrið á Stokkseyri. Ég bjóst við meira af safninu, kanski var það vegna þess að við vorum í hóp og seinust, en ég hélt það væri meira "spooky" og bregð í gangi. En rútuferðin var afskaplega skemmtileg. Rútan var með klósett og skemmtileg tilviljun var að hægt var að koma höndinni inná klósettið með að teygja sig í gegnum ruslalúgu. Vakti þetta mikla kátínu og heilmikið skemmtiatriði út af fyrir sig ;)
Þegar komið var aftur fór ég heim og fékk Monsa&Ástu í mat. Reddaði svo pössun þannig að ég gat hitt fólkið aftur seinna um kvöldið í partý-i í næstu blokk. Þar var heilmikið stuð og endaði ég spilandi á gítar sem kom mér og Bínu að óvart því vanalega læt ég aðra um það...en það var bara svo mikið stuð að það var ekki hægt annað en að taka virkan þátt ;)

Astrópía & Colossus

Monsi kom í bæinn og við gömlu félagarnir ákvaðum að taka smá hitting. Ekki var nú hugur í mönnum að gera neitt af sér þannig að út að borða og bíó varð niðurstaðan...enda erum við orðnir hundgamlir ;)
Ekki mátti borða hvar sem var og ákveðið að fara á Ruby Tuesday. Ég var hæstánægður með að fara þangað því ég hafði hug á að prófa Colossus borgarann þeirra. Þegar kvikindið kom á borðið var ég smá stund að ákveða hvernig ég ætti að hafa mig við að koma honum ofan í mig. Stærðin passaði miðað við sjónvarpsauglýsinguna hjá þeim og var máltíðin hin mesta skemmtun fyrir bragðlaukana og magann. Að verki loknu var ég pakksaddur og sæll en ekki voru allir sáttir sem höfðu ekki pantað sér jafn vel útílátinn borgara.
Sem gamlir spilanördar fórum við á Astrópíu og urðum ekki fyrir vonbrigðum. Hin besta skemmtun, sérstaklega af íslenskri mynd að vera. Dalaði svoldið í seinnihlutanum en slapp fyrir horn. Mæli með henni, en vona samt að kaninn kaupi handritið og skellli upp aðeins "fagmannlegri" útgáfu ;)

Vekjaraklukkan

Í svefnherberginu er vekjaraklukka sem varpar klukkunni uppá vegg og vörpum við klukkunni uppí loft svo við sjáum glögglega að nóttu til hver staðan er. Ekki eru þó allir á eitt sáttir um það hvert klukkunni skal snúið. Iðulega hef ég fundið klukkuna þannig að búið er að varpa tímanum á vegginn bakvið klukkuna sem er svo nálægt að ekkert sést nema rauður punktur. Þegar ég hafði orð á því hver væri alltaf að fikta í klukkunni fékk ég þau skilaboð að Bjartur væri alltaf að fussa og sveija yfir þeim sem væri alltaf að rugla í klukkunni. Honum finnst mun flottara að sjá rauða punktinn við hliðina á klukkunni heldur en uppí loftinu þ.s. ekkert sést yfir daginn. Þegar að vekjaraklukkan datt svo úr sambandi eina nóttina reyndi ég sýna honum að klukkan ætti varpa uppá loft. Ég held að hann hafi alveg skilið það...nú er það bara Sunna sem þarf alltaf að fikta í klukkunni.

Hljómsveitin Æði

Spilaði sem bassaleikari með Æði-inu í Salthúsinu á Grindavík. Magnað að stíga á svið með bandi sem ég hef aldrei spilað með áður og taka heilt ball. Gekk bara nokkuð vel en þó hafði ég pikkað upp rangt lag þegar við réðumst á "It's my life", ég byrjaði á "No Doubt" útgáfunni sem samin var af "Talk Talk" en restin af bandinu tók "Jon Bon Jovi" lagið...þannig að ég var svoldið týndur í því lagi ;)

Brúðkaup 2007

Linda & Siggi gengu í það heilaga á Eskifirði. Við skelltum ormunum í pössun og mættum svo barnlaus en vel byrgð af áfengi á Mjóeyrina á Eskifirði. Föstudagskvöldið fékk athygli ýmissa áfengra drykkja og var setið yfir varðeldi langt fram á nótt. Þegar við skriðum í bólið voru við ásamt Begs&Nonna komin í grunnskólafíling í skólaferðalagi. Á endanum lognuðust þó allir útaf.
Laugardagurinn varð sumum erfiður og tók sinn tím að komast í gang. Mér tókst að koma mér út fyrir hádgi og kíkja á kraftatröll sem voru að keppja í álkasti á eyrinni. Eitt þeirra gekk uppað mér, benti á hvað aðstoðarmaður var að berjast við að nudda bakið á einutröllinu og sagði þrymjandi röddu „Þarna er hægt að fá nudd“ og hló dymjandi röddu. Ég píndi uppúr mér einhverskonar smátittlingahlátur til að styggja ekki dýrið enda hefði það auðveldlega getað pakkað mér samn og fleygt mér út í sjó. Það fór svo bara sína leið og ég hélt mig í hæfilegri fjarlæð á meðan keppninni stóð svo ég fengi ekki álið í hausinn sem þeir fleygðu lengra með hverju kantinu.
Brúðkaupið & veislan gengu svo í garð með tjútti fram eftir nóttu og eru má sjá nokkrar myndir frá helginni.

Steggjun 2007

Siggi spæder steggjaður í dag. Okkur tókst að finna ýmsar þrautir sem voru ekki efstar á óskalista hjá kappanum en hann stóð sig nokkuð vel. Ágrip á herlegheitunum má sjá hér.

Gautaborg 2007

Fjölskyldan vaknaði um miðja nótt við misjafnar undirtektir barnanna. Sunna var kát að vanda en Bjartur vildi bara halda áfram að sofa og geri það svo lengi sem hann gat áður en haldið var út á flugvöll. Mættum rétt fyrir flug og enduðum á því að hlaupa inní vél til að missa ekki af henni. Þriggja tíma flugið út tók fljótt af og auðveldaði mikið að fámennt var í vélinni og gátum við dreift úr okkur eins og við vildum.
Á flugvellinum í Gautaborg fórum við beinustu leið og sóttum bílaleigubílinn og lögðum af stað eftir að hafa lært á bílstólinn hans Bjarts, sem tók okkur reyndar góðan tíma. Við vorum vel búin leiðbeiningum um hvernig ætti að komast á leiðarenda til Palla&Erlu en tókst þrátt fyrir það að villast af leið. En við höfðum fengið fínar leiðbeiningar sem að redduðu okkur fljótt og örugglega til þeirra á endanum. Milt og gott veður passaði ákaflega vel til að sjá borgina í fyrsta sinn, þó að hún minnti mig nú meira á sveit heldur en borg þar sem við fórum um í fyrsta sinn.
Hverfið sem þau búa í kom afskaplega vel fyrir. Bílastæðið fyrir ofan og síðan er gengið inní íbúðarhverfið fyllt af endalausum raðhúsaröðum, trjám, runnum, barnaleikvöllum og Sænska fánann má sjá á öðru hverju húsi. Húsið þeirra var mjög huggulegt og gaman að sjá hvað þau voru búin að koma sér vel fyrir á þessum fáum mánuðum.
Bjartur og Óðinn Bragi duttu strax í leik og vissum við varla af þeim það sem eftir var ferðarinnar ;)

Þriðjudagurinn 10. júlí 2007

Sólin kíkti gegnum skýin og við fórum niðrí miðborg Gautaborgar. Við fylgdum P&E eftir niðri bæ og undruðumst hversu kunnug þau virtust vera orðin götuskipulaginu sem var okkur óskiljanlegt að öllu leiti. Tókum heljarinnar göngu um miðbæinn og kíktum í búðir sem urðu á leið okkar.
Tímatal í Svíþjóð virðist miðað út frá vikum frekar en dögum, og hefðum við því sagt að við værum í fríi í Svíþjóð í 28. viku.

Miðvikudagurinn 11. júlí 2007

Hellirigning tók á móti okkur um morguninn og var ákveðið að fara í Universeum vísindasafnið. Brunað niðri miðbæ og drifum okkur inn á safnið úr dembunni. Margt fróðlegt að sjá í safninu og strákarnir höfðu gaman að dýrunum og leiktækjum. Á leiðinni heim ákváðum við að troða í okkur pizzum á La Gondola veitingastaðinn vegna rigningar. Södd og sæl heldum við svo heimferðinni áfram á bílstæðið og svo beint heim að skella krökkunum í bólið.

Fimmtudagurinn 12. júlí 2007

Léttir skúrir voru ekkert að stoppa okkur í að komast í Lieseberg. Rigningin lét sjá sig fyrri hluta dags en þegar við vorum búin að gúffa í okkur hamborgurum undir berum himni, og smá dembu, lét hún sig hverfa. Bjartur var alveg í essinu sínu í öllum tækjunum og virtist ekki fá nóg og vildi bara meira og meira. Alveg á því að hann vildi mæta aftur í garðinn til að fara í stóru klessubílana þegar hann yrði orðinn stærri.

Föstudagurinn 13. júlí 2007

Dagurinn fór að mest í verslunarleiðangur þ.s. við reynum að fata fjölskylduna upp. Um kvöldið voru svo þrjár tegundir af grísalundum grillaðar og drukkið og kjaftað fram eftir kvöldi/nóttu eins og komið var í vana :)

Laugardagurinn 14. júlí 2007

Dagurinn var tekinn rólega og hangið heima fyrir. Slegið var upp pizzuveislu um kvöldið svona þ.s. P&E eru komin með pizzaofn sem varð nú að sýna hvað gæti. Eftir að allir voru útétnir og börnin sofnuð hlömmuðum við okkur fyrir framan sjónvarpið. Fyrst var gamall Rambó í sænska ríkissjónvarpinu og síðan var horft á nýjasta Bondinn...báðir stóðu þeir undir sýnu, enda berir að ofan nánast allan tímann.

Sunnudagurinn 15. júlí 2007

Fórum í Slotteskogen í sól og góðu veðri. Skógurinn er yndislegt útivistarsvæði. Þar er húsdýragarður sem strákarnir hlupu á eftir svínum. Á veitingahúsinu sem við fórum á var Salsa hljómsveit sem Bjartur var heillaður af að hann réð ekki við að dilla sér og vildi fara í dansskóla þegar hann kæmi heim. Gengum garðinn fram og aftur og strákarnir léku sér mikið á stóru leiksvæði. Um kvöldið var svo kjúlla skellt á grillið en endaði reyndar í ofninum þ.s. gasið var búið og það að finna fyllingu á gaskút var ekkert grín.

Mánudagurinn 16. júlí 2007

Steikjandi sól og hiti er besta lýsing á deginum. Við fórum að Sisjön vatni sem er við hliðina á hverfinu þeirra og gengið nánast beint inní skóginn heiman frá P&E. Við vatnið var mikið stuð að sulla og hlaupa um á bryggjunni. Strákarnir gleymdu sér í leik og aðrir reyndu að sleikja sólina. Þegar komið var að heimferð voru allir búnir á því eftir veðurblíðuna.

Þriðjudagurinn 17. júlí 2007

Við tókum smá verslunarleiðangur til að byrgja okkur betur upp áður en við færum. Allir voru hálf búnir á því eftir góðviðri gærdagsins og því var dagurinn tekinn með mikilli róg enda voru stelpurnar hálf slappar.

Miðvikudagurinn 28. júlí 2007

Við kvöddum fjölskylduna að Sisjövägen 491 með virtum í ágætis veðri. Dvölin var ákaflega ljúf og góð og vonandi að við gerum þetta aftur innan skamms ;)

Myndir úr ferðinni

Abbababb

Kominn í fæðingarorlof og hef einnig nýtt það í að mála íbúðina, svona þar sem Sunna er svo stillt ;) En annars rosalega gott að fá tíma til að vera heima og kynnast Sunnu aðeins meira en nokkra tíma í viku, ætla að vona að þeir lengi fæðingarorlofið í 1 ár fyrir verðandi foreldra. En þar sem seinasta færsla hérna var um leikrit ætla ég að hafa þessa líka þannig. Við fórum með Bjart að sjá Abbababb seinustu helgi ásamt Bödda&Bekku. Bjartur settist fremst á dýnur sem voru á gólfinu fyrir framan sviðið. Sýningin hófst og hann sat og hreyfði sig varla allan tímann. Sýningin var fínasta barnaskemmtun og hafði ég einnig gaman af þ.s. ég þekki lögin vel. Verst fannst mér þó að Sigurjón Kjartans var vant við látinn og því var Felix Bergsson í hlutverki Hr. Rokk, en ég hefði frekar viljað sjá Sigurjón þ.s. ég hef lúmskt gaman af honum. Þegar að komið var að hléi voru "stóru strákarnir" búnir að ræna Aroni Neista og Bjartur sat enn í sömu stöðu og þegar að leikritið hófst. Hann leyfði sér loksins að standa upp og var ekki lengi að finna ömmu&afa sem sátu rétt hjá dýnunum. Þá var minn orðinn afskaplega lítill og þráði ekkert heitar en að fara beinustu leið heim og líklega höfðu stóru diskó strákarnir verið aðeins of mikið fyrir hans litla hjarta. Við feðgar fórum að skoða trommusettið og ég útskýrði fyrir honum að þetta væri ekki í alvöru, heldur meira eins og að þau væru að segja okkur sögu. Á endanum róaðist litla hetjan og samþykkti að klára sýninguna, en þó bara með því skilyrði að fá að sitja hjá mömmu( enda var mæðradagurinn og vaknaði Bjartur með mikla mömmu-sýki ). Sýningin hélt áfram og allt fór vel að lokum, Aroni Neista var bjargað og allir krakkarnir í salnum( Bjartur meðtalinn ) hjálpuðu til við að blása á eldinn í skólanum svo hann slokknaði. Þegar við komum heim hafði Sunna tekið smá frekjukast á Balla&Valgeir og varð yfir sig ánægð þegar að mamma mætti á svæðið( enda mæðradagurinn ;)

Pabbinn

Um daginn skruppum við í leikhús með Palla&Erlu. Tengdó passaði og við byrjuðum kvöldið á Vegaótum þ.s. ég hélt í vanann og fékk mér steikarsamloku. Við komum okkur svo niðrá Iðnó í rigningarveðri og fengum sæti aftast í salnum. Þegar að sýningin hófst var fljótlega ljóst að það myndu dropar falla í salnum og ekki leið á löngu þangað til ég var farinn að gráta af hlátri. Á tímabili þurfti ég að hætta að hlusta og einbeita mér að því að ná andanum. Í hláturssköllunum tókst mér að missa gleraugun í gólfið og tókst með erfiðismunum að ná þeim upp af gólfinu milli þess að hlæja, gráta og taka andköf. Seinni hluti var sem betur fer ekki jafn fyndinn því þá hefði ekki komist heill út af sýningunni. Mæli með þessu leikriti og sérstaklega fyrir unga foreldra sem eiga auðvelt að samsvara sér í foreldrahlutverkinu.

Tímaleysi?

Síðan að Sunna bættist í fjölskylduna hefur lítið fréttnæmt náð hér inn. Fréttaleysi er ekki þar um að kenna heldur frekar að nóg sé að gera. Þegar við vorum bara með Bjart var endalaus tími til að dást að honum og allaf gat annað okkar gert eitthvað annað. Nú er hins vegar alltaf nóg að gera fyrir okkur bæði og ekki hef ég hugmynd um hvað við gerðum áður en við eignuðumst Bjart.
Auk þess að verja tíma með fjölskyldunni og stunda fulla vinnu hef ég dottið í það að sinna tónlistaráhugamálinu með Kóngulóarbandinu sem vatt reyndar aðeins uppá sig á seinasta ári og varð til rokksveitin Disless og er stefnan að taka upp efni með báðum sveitum ár árinu. Síðan ætluðum við Hugi okkur að skella saman uppskriftavef og gæti orðið mjög skemmilegt... þegar ég "finn" tíma til að komast af stað þar :)
Seinustu tvö jól hef ég tekið saman myndbandsklippur ársins og unnið heima-DVD af Bjarti. Nú er ég kominn aðeins á eftir með það en tókst samt að taka saman og panta ljósmyndabók( frá MyPublisher ) frá fyrsta árinu hans Bjarts. Hún kom rosalega vel út og munu fleiri verða pantaðar, enda er langt síðan ég hætti að framkalla myndir og setja í myndaalbúm( nú er bara allt í tölvunni ).
Óli&Sigrún sendu okkur áramótaannál sem ég hafði mjög gaman af og ef tími gefst þá náum við Bína vonandi að taka seinasta ár út og koma því í vana því mér finnst það vera mjög skemmtilegt að geta rennt fljótlega yfir hvað maður gerði af sér á liðnu ári....nú er bara að skipuleggja tímann vel =)

Pabbi í annað sinn

Nú erum við að ná vísitölufjölskyldunni eftir að systa litla kom í heiminn 21. október síðastliðinn. Alltaf miðaði ég fæðinguna við þegar við áttum Bjart og var búinn að undirbúa mig að taka 1-2 daga í þetta ævintýri. Bína hafði verið með smá( mjög væga ) verki á föstudeginum( 20. okt. ) síðan kl. 4 um nóttina, en ekkert alvarlegt. Hún fór í mat með vinkonum sínum og bjuggumst við alveg eins við að þetta yrði svona í nokkra daga. Um kvöldið endaði með að við fórum uppá fæðingardeild um 11 leitið og tveimur og hálfum tíma seinna var stelpan mætt. Allt gekk mjög vel fyrir sig í þetta skiptið og tók skemmtilega stuttan tíma. Ég fann þó alveg fyrir því að vera hálf gagnlaus á staðnum. Sérstaklega þar sem Bína var ofan í vatni og allt gekk vel. Rembingurinn tók svo stuttan tíma að þar gat ég ekki einu sinni komið með hvatningarorð. Ég fékk að halda á glaðloftsrörinu og klippa á naflastrenginn. Enda kannski ekki hægt að búast við að karlmenn séu að taka of mikinn þátt þ.s. þeir eru nú bara nýkomnir með leyfi til að vera viðstaddir. Samt sem áður var þetta æðisleg lífsreynsla eins og í fyrra skiptið.
Daginn eftir kom Bjartur og við feðgar fórum og náðum í barnabílstól og svo stungum við af Hreiðrinu. Þar var reyndar æðislegt að vera, en við vildum bara komast heim og byrja að aðlagast nýju lífi. Næstu 2 dagar voru merkilega erfiðir en síðan fór að myndast einhverskonar regla.
Skírn næstu helgi þannig að það er alltaf nóg að gera. Veit að ég/við erum ekki dugleg að setja inn fréttir og myndir, en tel okkur hafa margt mikilvægara að gera eins og stendur, en vonandi kemst þetta líka í "rútínu" =)

Gamall draumur rætist

Var að skoða gegnum gamalt "drasl" frá því á menntaskólaárunum. Aðallega var ég nú að rifa upp SHAPE tímann og rakst á eitt og annað skemmtilegt. Þar á meðal eftirfarandi blaðagrein og myndina sem hér fylgir: Gamall draumur rætist Egilsstöðum - Þessar tvær gínur á myndinni eiga það sameiginlegt að íklæðast fötum frá versluninni Okkar á milli á Egilsstöðum. Ekkert fleira er þeim sameiginlegt því önnur er manneskja en hin er bara venjuleg gína. Af sérstökum áhuga falaðist þessi ungi maður eftir því að fá að "leika" eða "vera" útstillingargína fyrir ofangreinda verslun. Hann heitir Logi Helguson og sagði að hann hefði átt þann draum sem lítill strákur og sýna föt. Hvort þetta uppfyllir sýningarþörfina er ekki vitað en a.m.k. hefur gamall draumur Loga orðið að veruleika. Man ég eftir því þegar ég sat inná Kaupfélagssjoppunni og horfði yfir á Okkar á milli þ.s. gína stóð fyrir utan innganginn. Fékk ég þá snilldarhugmynd að það gæti verið mjög fyndið að "leika" gínu og bregða svo fólki þegar það kæmi upp að versluninni. Vitir menn, eigendur verslunarinnar voru alveg til í þetta. Það var afskaplega gaman að því að bjóða fólk velkomið þegar það kom upp tröppurnar en flestir voru nú bara að virða fyrir sér fötin á gínunni sem stóð þarna og átti síst von á því að hún myndi tala eða hreyfa sig. Enginn fór nú illa út úr þessum saklausu hrekkjum mínum og fékk ég nærbuxurnar að launaum ;)

Málningarhelgi

Engin var útilegan þessa verslunarmannahelgi, enda nóg að gera í málningarvinnu á baðherberginu. Nýtti tækifærið fyrst það var löng helgi og pússaði aðeins á baðinu og málaði svo, enda kominn tími á baðveggina. Pússningarvinnan minnti mig óþægilega á tímann þegar við vorum að taka íbúðina í gegn og hefði ég alveg viljað sleppa þeirri upprifjun, hún hefur kannski kallað fram í mér gamla þreytu :) Megnið af helginni fór í að taka baðið i gegn en okkur tókst að kíkja í sund og fjöruferð. Skrapp líka í bílskúrinn hjá Tóta týnda á föstudaginn þar sem vel valdir menn mættu og glömruðu á hljóðfæri fram eftir kvöldi, alltaf gaman að djamma með góðum mönnum ;)

Sumarfrí 2006

Seyðisfjörður

Alltaf gott að komast "heim" á Seyðisfjörð. Ekki verra þegar gist er hjá Helguömmu og við fáum afnot af gamla herberginu "mínu" sem Rakel hefur yfirumsjón með þessa dagana. Þótt við séum ekki alltaf heppin með veður á Seyðisfirði gerir það ekkert til þótt að rigning eða þoka láti sjá sig, þá er afsökun fyrir því að hanga inni og gera ekki neitt. Merkilegt hvað bæjarstæðið er orðið gróið og hvað það hefur minnkað síðan ég var lítill...eða ég bara stækkað =)
Nánast allir afkomendur Emilsafa mættu í fjörðinn og voru Skógar fengnir til að hýsa þá sem ekki komust fyrir á Múlaveginum, þótt þar hefðu nú þónokkrir komist fyrir auk gesta. Sól kom með trampólínið sitt og höfðu allir mesta gaman af því. Bjartur tók ástfóstri við það og ákvað að foreldrar hans ættu að kaupa svona handa honum. Snorri var þó líklegast ósáttastur við það þegar honum tókst að flúga af því( þrátt fyrir að öryggisnet umlukti það ). Kubb var spilað í garðinum í hvert sinn sem sólin lét sjá sig og entust sumir leikir klukkutímum saman. Bjartur dró allar sem hann gat í bílferðir með sér og einokaði ömmu sína og aðra sem gerðu eins og hann vildi.
Ekki tókst mér nú að slá garðinn nema tvisvar sinnum, en þungbúin seinni vika varð til að hamla grasvexti þannig að ekki þurfti að slá eins mikið og ég hafði vonast eftir.


Kárahnjúkar
Dagur og co. leiddu ferðalag uppá virkjunarsvæðið. Fyrsta stopp var hjá steinbrú í Hallormsstað og þurfti að leyfa ungviði að spretta úr spori og klifra um svæðið á eftir þeim eldri. Síðan var haldið upp að upplýsingamiðstöð Landsvirkjunar. Eftir litla "lautarferð" á túninu fyrir framan upplýsingamiðstöðina var haldið innfyrir og forvitnast hvernig Landsvirkjun upphóf virkjunina. Leiðin lá svo uppá virkjunarsvæðið þ.s. við stoppuðum á útsýnissvæði fyrir ofan stíflurnar þ.s. landið mun fara undir innan skamms. Ekki get ég nú sagt að ég hafi séð neitt sem ekki mátti sökkva fyrir mér, enda hefur mér alltaf verið sama um þessa virkjun en veit þó ekki hvað ferfætlingum og vængberum muni finnast þegar stöðuvatnið verðum komið uppá hálendið. Tókum svo stórgrýttan veg að Magnahelli en þá ákváðum nokkrir að halda heim á leið. Ákváðum að reyna á aðra leið til baka sem reyndist vera bæði lengri og torfærari. Heim komust þó allir að lokum þótt að ein bifreið hefði gefist upp á leiðinni en hægt var að pakka betur í hina bílana.


Bjólfurinn

Í morgunblíðu einni var ákveðið að drífa fólk uppá Bjólfinn. Fyrir hádegi tókst að koma fólki í bíla og bruna upp fjallabaksveginn að snjóflóðgörðumunum. Útsýnið var mjög skemmtilegt og hafði ég mjög gaman af því að koma loksins uppá Bjólfinn en hafði fram að þessu aðeins gengið bakvið hann( og leikið mér fyrir framan hann og í hlíðum hans ). Það rétt passaði að þokubakkar fóru að faðma fjallið þegar við vorum komin niðrí bæ og hætti að sjást uppí garðasvæðið.


Afmælisveisla Emils
Haldið var uppá áttræðisveislu Emilsafa sem reyndar átti sér stað á seinasta ári, en veislunni var frestað fram á sumarið. Veðrið gat brugðið til sólar eða rigningar. Bræðurnir börðu óð til sólar á tunnugrillin sem fengin voru til matreiðslunar og eins og Gauti var glampandi sól þegar afmælið hófs, en verst var að hún hélst ekki nema nokkrar mínútur og snérist veður þá í ágætis rigningu. Gestir létu það ekki á sig fá og sumir hverjir héldu sig innandyra en aðrir stóðu vaktina í tjaldbúðunum og sá gestgjafinn til þess að ylja þeim um hjartarætunar með hressandi drykkjum. Margt var um manninn og þétt setið og vanhugaði ekki nokkurn mann um mat né drykk eins lengi og veislan lifði. Sumir tjaldbúanna héldu lengi í fögnuðinn og heppnaðist veislan afskaplega vel þótt ringdi allan tímann.

Sumarfrí á Seyðis

Þá er sumarfríinu í ár formlega lokið. Við tókum okkur flugvél á Seyðis og vorum þar í góðu yfirlæti í 2 vikur. Nánast allir afkomendur Emilsafa mættu í afmælisveislu sem frestað hafði verið þangað til núna í sumar. Smá ferðir voru faranar og eins og alltaf fer maður með sökknuð í huga, en veit að það verður alltaf jafn gott að komast austur í fallegasta fjörðinn fljótlega. Stutt yfirlit yfir það helsta úr ferðinni auk panorama mynda og myndir á meðan allir voru á Múlaveginum sem og myndir þegar allir voru farnir.

Viðey

Loksins steig ég á land í Viðey. Umferðarstofa fór þangað á föstudaginn 2. júní í tilefni af því að við vorum valin fyrirmyndarstofnun í ríkisrekstri. Siglingin var merkilega stutt og af verðursfarslegum ástæðum hafði verið hætt við siglingu fyrir matinn. Ekki veit ég hvernig sú niðurstaða var fundin þ.s. veðrið var eins og það gerist best á höfuðborgarsvæðinu þannig að líklega er aldrei farið í þessar siglingar :) Í Viðey beið okkur fordrykkur og svo var haldið inná Viðeyjarstofu þ.s. góður matur og skemmtiatriði mynduðu vel heppnaða kvöldstund. Nokkrar panorama myndir úr Viðey.
Eftir miðnætti voru svo pókerspilin dregin upp á Hagamelnum hjá Huga og gerðum við( Hugi, Einar, Logi og Einar Magnús ) heiðarlega tilraun til að sjá við pókermeistaranum Gunnari Geir en án árangurs og endaði allt lausbært fé í góðri geymslu hjá honum, enda vanur spilari á ferð :)


Ferðalangar mætti í fordrykk.


Viðraði með eindæmum vel á eynni.


Á leið heim eftir vel heppnaða kvöldstund.

Barcelona 2006

Barcelona 2006
Brottför
17. apríl

Eins og búast mátti við var seinkun á fluginu( enda flogið með flugfélagi sem ég hafði nú einhverntíman sagst aldrei munu aftur ferðast með...og gott ef Bína sagði það ekki einhverntíman líka ) þannig að við fórum ekki í loftið fyrr en kl. 17( í stað 14 ). Starfsfólkinð á flugstöð Leifs var nú ekkert sérstaklega upplífgandi, kanski vegna mikilla framkvæmda þar og engu líkara en að íslendingar hafi veirð að opna fyrstu flugstöðina sína fyrir 2 mánuðum, eða kanski finnst þeim bara ekkert skemmilegt að vinna þarna?
En flugið vara það sem búast mátti við. Ég steinsofnaði áður en við fórum í loftið og vaknaði við einhverjar 'kellingar' fyrir aftan mig sem voru í góðum gír og gátu ekki hætt að gelgjast um hvað þær ætluðu að kaupa og djamma( ætli þær hafi ekki verið enn fastar í þeim gír síðan 2000 ). Komum seint á hótelið og létum okkur nægja að fara í rúmið, enda var klukkan orðin 2 að nóttu.
Hótelið

Við erum á fínasta hóteli( enda var það farastjórinn sem bókaði það og víst alveg ótengt Heimsferðum er mér sagt ). Við skiptum reyndar um herbergi strax eftir fyrstu nóttina þ.s. við fengum tvískipt rúm og það var ekkert sérstaklega þægilegt að liggja ofan á samskeytunum. Auk þess vorum við svo sniðug þegar við komum að skella loftinu á heitt og setja það í botn en komumst að því morgununinn eftir að það er bara loftkæling og herbergið ískalt, sem gerði ekki að sök því það var sól úti. Morgunmaturinn er svo margrétta að hann dugir mér nánast fram á kvöldmat, og ekki slæmur í þokkabót af hótelmat að vera.
Veðrið

Heldur betur hefur ræst úr veðrinu. Þegar við fórum var spáð rigningu og skýjuðu en ekkert hefur bólað að rigningunni og sól verið mest allan tímann og viðraði vel flesta daga.



Fyrsti dagur
18. apríl

Fórum í rútuferðalag um bæinn þ.s. við kíktum á Sígröðu Fjölskylduna( Sagrada Familia ), Guell Park og á útsýnishæð yfir bæinn. Það var full mikil keyrsla að ná yfir þessa staði og keyra gegnum bæinn í leiðinni, þannig að stutt stopp voru á hverjum stað og hefðum við viljað hafa meiri tíma, en a.m.k. er ég búinn að 'kíkja' á helstu staðina þannig að ég þarf ekki að stressa mig meira en ég nenni á að skoða þá nánar. Á römblunni fórum við inná markaðinn og keyptum kíló af jarðaberjum á 1 evru. Ég hef ekki fengið svona góð jarðaber síðan ég var lítill heima í jarðabergjagarðinum á Seyðis og eru komin þónokkur ár sem ég hef leitast við að finna hið rétta/ferska jarðaberjabragð. Allir ávextir hér eru reyndar á sterum og spánverjar hljóta að fara að stækka af því að éta þá innan skamms ;)

Síðan um kvöldið fór allur hópurinn( um 70 manns ) út að borða á Tapaz bar. Tapaz er algjör snilld að því leitinu til að spjánverjar hafa fundið leið til þess að nota allan afgangs/ónýtan mat og hent saman í 'smárétti' sem þeir geta rukkað túrista helling fyrir. Þetta var eitthvað það versta sem ég hef smakkað og smakkað ég allt nema einn rétt sem var hrár fiskihaugur( ég hefði meira að segja fengið mér susji frekar en að bragða á þessu...var sama lykt og af gólfi í fiskvinnslunni(leyfi ég mér að segja) ). En það merkilega var að þetta var mjög gaman að reyna að borða þetta og hlægja að matnum, kom merkilega að óvart hversu vel allir skemmtu sér yfir þessum mat, enda var áfengið notað til að skola niður hinu og þessu óbragði ;)



Annar dagur
19. apríl

Bína fór ásamt kennurum í skoðunarferðir um skóla. Á meðan svaf ég og drattaðist svo í búðir áður en að við söfnuðumst nokkrir fylgifiskar saman og hittum kennarana á vísindasafninu hjá Tibidabo fjalli. Við ætluðum og renna í gegnum það og fara svo í verslunarleiðangur en safnið var svo stór að við gáfumst upp og fórum heim, held að við höfum kanski náð meira en helmingnum af því sem þar var að sjá( og gera ). Komum heim og fengum okkur dýrlegar pizzur á veitingastað rétt hjá hótelinu, efst á römblunni. Bína lagðist svo í bað eftir erfiðan dag og ég fann mér internetkaffi og fór í hraðbankann. Bankinn var reyndar með heilmikið vesen við mig og líklega er einhver núna komin með lykilnúmerin mín og farinn að versla eða bankinn hafði af mér 450 evrur áður en hann vildi láta mig fá 220 evrur sem ég þurfti nokkrar tilraunir til að fá af honum.
Kom heim og sá þá á yfirlitinu að bankinn hafði haft af mér þessar evrur, og hér er mér sagt að það taki 45 daga að leiðrétta þetta, efst nú stórlega um að ég fái þessa $ aftur.
Þriðji dagur
20. apríl

Bína fór í fleiri skóla þannig að ég svaf fram að hádegi. Drattaðist svo á fætur og fór og skipti skóm f. Bínu( sem betur fer hafði hún tekið eftir að þeir voru ekki sömu stærðar ). Ekki hægt að segja annað en þetta sé ómögulegur staður til að versla þ.s. enginn virðist kunna ensku eða skilja hvað maður er að segja( og því miður kann ég ekki spænsku...eða katalónsku ). Hitti nokkra maka þegar ég kom heim á hótelið, eftir erfið viðskipti við búðarkellingarnar, sem biðu fyrir utan hótelið og búnir að vera það síðan ég fór. Þá voru konurnar á leiðinni heim og stuttu síðar kom Bína mín. Við skelltum okkur á einhvern matsölustað fyrir hornið þ.s. ég pantaði lítinn(little) bjór og Bína pantaði aspassúpu...að hún hélt. Þegar bjórinn kom var það líters bjór og Bína fékk 12 aspasstöngla raðaða fallega upp með appelsínugulri sósu. Dæmi um það hvað er nú skemmtilegt að vera í landi þ.s. enginn talar ensku :) Bína fór svo í annan skóla og ég danglaðist um búðir. Þegar hún kom aftur var verslað á mig, þannig að þá var bara eftir að kaupa á Bjart =)



Fjórði dagur
21. apríl

Vöknuðum hæfilega snemma og fórum í Glorias verslunarmiðstöðina. Þar var verslaður hellingur á Bjart og kortið fékk heldur betur að finna fyrir því :) Um kvöldið var svo farið á gosbrunnasýningu sem hefði mátt vera í meiri myrkri. Síðan var haldið uppí Tibidabo fjall á fínasta veitingastað Barcelona( 3-4 vikna pöntunartími ) í gömlum kastala. Hann sérhæfir sig í unglambakjöti og gesturinn fær aldrei að gleyma því á meðan hann er á staðnum að hann er að borða lítið lamb, mynd af litlu lambi á diskum og glösum. Forrétturinn var ýmsilegt kjötmeti, þar á meðal pylsa sem líktist blóðmör einna helst, en bragðaðist nú mun betur. Þegar forréttinum var lokið og búið að hreinsa af borðunum mætti einn þjónninn með tvö afskaplega hrörleg læri og gekk um salinn eins og þetta væru verðlaunalæri. Síðan byrjuðu þjónarnir að bera inn hvern annan diskinn af mauksoðnum lambalærisbeinum með skinni og öllu( me me með ullinni og öllu ). Ekkert var verið að skemma matinn með meðlæti( þótt að nokkur kálblöð hafi verið á hliðarskálum ) og litlu lömbin soðin yfir stórum saltkornum sem var eina kryddið sem kjötið fékk. Bína var ekki alveg að fíla þessa matreiðslu á litla lambinu en þessi matur féll vel að mínum maga og át ég þangað til að líkaminn sagði stopp og gafst upp til þess að melta það sem búið var að innbyrða. Rúta tekin heim og heldu margir gleðinni áfram langt fram eftir nóttu.



Fimmti dagur
22. apríl

Skoðunarferð um gotneska hverfið, gengum upp Römbluna eftir það og síðan fengum við okkur aðra gómsæta pizzu á Marsano Pizza. Reyndum að ná okkur í smá lit á sundlaugarbakkanum en skýin voru ekki alveg á því að leyfa okkur það. Röltum svo meira um búðir, átum góðan mat og nú á að koma sér uppá hótel og fara snemma í hátttinn, enda Bjartur og Ísland á morgun og við þurfum að vakna kl. 4 í nótt( jibbí ).



Myndir úr ferðinni
Skoða myndaalbúmið frá ferðinni
Google Earth
Hérna eru nú bara helstu staðir, hótelið og eitthvað sem mig langaði að kíkja á( af því sem ekki er í fastri dagskrá hjá okkur ) sett fram með hjá GoogleEarth
Barcelona.kmz
Sækja skjal (1 K)

Bústaðarhelgi að baki

Skruppum í bústað um helgina á Flúðir og var það ákaflega notalegt. Reyndar var nú um hús að ræða sem var ekki verra, enda allt til alls, uppþvottavél og hvað eina. Palli&Erla&Óðinn Bragi komu með og voru þeir Bjartur rosalega góðir saman um helgina. Bjuggu sér til hús í kojunum, hlupu fram og aftur, hermdu eftir hvor öðrum, léku sér og voru bara afsakaplega góðir saman. Ásdís og Þóra bættust svo í hópinn á laugardaginn og þótti mér merkilegt hvað okkur tókst að gera lítið annað en að hanga, borða og sötra bjór...enda var bara alveg nóg í bland við það að hafa börnin með í för. En maður þarf að gera meira af þessu og held að það sé nokkuð öruggt að maður verður að fara aftur þarna í bústað og þá í lengri tíma en bara yfir helgi =)

Eru eldveggir drasl?

Fór á fyrirlestur hjá Theódór Ragnari Gíslasyni um daginn uppí HíR
undir yfirskiptinni "Eldveggir eru drasl". Theódór vinnur að
tölvuöryggismálum hjá Tölvumiðstöð sparisjóðanna[Ts] og er einn af okkar
fremstu sérfræðingum á því sviði hér á landi.

Mjög áhugavert var að sjá að á Íslandi má finna menn sem hafa haft það að
atvinnu að brjótast inní tölvukerfi og finna veikleika þeirra, en Theódór
starfaði við það iðju í sex ár áður en hann byrjaði nýlega hjá Ts. Sagði
meðal annars að hann hefði komst yfir ársskýrslur löngu fyrir birtingu,
aðgangi að pósti forstjóra, tók upp allar aðgerðir notenda á video o.fl. Á
þessum sex árum hafði hann brotist inn í hátt 100 fyrirtæki og komast inn í
lang flestum tilfellum og aðeins einu sinni nappaður þegar að notanadi lét
kerfisstjóra vita að eitthvað undarlegt væri á seyði( fékk reyndar að svitna
með kæru frá lögreglunni á bakinu, en forstjórinn vildi sjá hversu langt
tæknimenn hans myndu ganga með málið ).

Í ljós kom að eldveggirnir eru nú ekki drasl, heldur væri það meira
áhyggjuefni hversu mikla trú fólk hefði á þeim og treysti því að vera öruggt
á bakvið þá. Útskýrði Theódór hvernig hann braust inná vefkerfi fyrirtækja
með því að senda ruslpóst þar sem notendur opnuðu fyrir hugbúnað hans til að
tengjast framhjá eldveggjum og beint inná tölvur starfsmanna( sýnidæmið var
nú reyndar bara þegar hann náði yfirráðum yfir tölvu móður sinnar ).

Góð vísa er aldrei of oft kveðin og alltaf er gott að hafa vaðið fyrir neðan
sig, líta til beggja hliða þegar ferðast er yfir internetið og aldrei að
taka við pósti frá ókunnugum...svipað og í umferðinni =)

Nýr vinnustaður

Eftir góð 2+ ár hjá Hug hélt ég til nýrra starfa hjá Umferðarstofu í dag. Það var nú ekkert í planinu hjá mér að yfirgefa Hug og fer ég þaðan með góðar minningar af góðum tíma sem ég átti með góðu fólki. Hef ekkert nema gott um Hug að segja en það var ýmislegt sem ég var spenntur fyrir hjá Umferðarstofu. Tölvudeildin er mjög lítil og hugbúnaðarþróunardeildin enn minni sem er gaman að detta aftur inní. Ekki skemmir að vinna aftur á makka, það er eitthvað sem ég held að ég hafi mjög gott af því að gera og ekki slæmt þegar maður fær góðan vinnuhest til að keyra á. Fyrsti dagurinn var mjög fljótur að líða þar sem smá stress kom upp á vef sem opna á í fyrramálið og var ég í því að koma þessu fyrir horn svo allt væri nú sómasamlegt í fyrramálið. Fullt af nýjum andlitum sem ég hitti í dag og gaman að hitta gamla Vefsýnarmenn aftur sem hafa hreiðrað um sig í US. Alltaf gaman að gera eitthvað nýtt og US leggst mjög vel í mig eftir fyrsta daginn =)

Gamall draumur rætist

Ég held að ég hafi fyrst sýnt Apple tölvum áhuga þegar Hugi tók mig með sér á kynningu á OS X í gömlu Applebúðina þegar hún var stödd í Skaftahlíðinni. Fyrir mér voru Apple vélar ofvaxnar ritvélar og hafði ég engan áhuga á þeim, en átti ekki von á því sem tók á móti mér. Viðmót nýja stýrikerfisins var ljósárum á undan Windows og ekki var hægt að segja annað um vélarnar. Eftir kynninguna varð ég dolfallinn og í minningunni var Cube vél keyrandi þetta allt, en það gæti þó hafa verið seinna sem hún kom til sögunnar, en minningin er góð og var ég staðráðinn í því að eignast svona vél einn daginn. Stuttu seinna fékk fyrstu Apple vélina hjá Vefsýn og fljótlega var PC vélin gefin og hefur ekki verið fjárfest í PC vél á heimilið síðan þá( enda nenni ég ekki að eyða tíma í viðhald á tölvun, hef nóg annað að gera ). Nú í ársbyrjum 2006 tóku stofugræjurnar svo uppá því að neita að spila geisladiska þannig að hugmyndin hjá mér var að versla hátalara fyrir iPod-dinn en þegar ég sá Cube vél til sölu stökk ég á það, enda ekki á hverjum degi sem þessar vélar eru til sölu( enda 5 ára gamlar og voru bara á markaði í 1 ár. Fyrir nokkra þúsundkalla var vélin mín, en reyndar vantaði í hana harðan disk en að öðru leiti í mjög góðu ásigkomulagi. Þegar 120GB Barracuda skrímsli var komið í vélina heyrðist ekki minnsta hjóð í vélinni, enda viftulaus hönnun sem hentar ágætlega til notkunar í stofunni. Smellpassar í stofuna og nú er hægt að hlusta á tónlist og jafnvel leiðir maður netsnúru í vélina einn daginn svo hún sé tengd. Bjartur er líka hinn ánægðasti með hana en hann fær að leika sér nokkuð óáreittur í henni við misjafna hamingju föður síns sem undrast alltaf hversu einfalt sonur sinn á með að eyða út lögum og gera einhvern óskunda af sér þótt ekki sé nema 18 mánaða.

Enn eitt árið liðið

Nýtt ár gengið í garð og alltaf eitthvað nóg að gera. Jólin voru afskaplega góð þótt ég væri að vinna fram á Þorlák. Ég er alveg á því að vinna ekki lengur en til svona 18. desember ár hvert, það er fínn tími til að byrja að slappa af fyrir hátíðarnar. En ég ræð nú ekki öllu, kannski sem betur fer?
Við fórum á Burknavellina með pakkaflóðið og vorum þar mestöll jólin í góðu yfirlæti. Bjartur var afskaplega þægur og góður með eldavélina sína framan af aðfangsdagskvöldi en undir lokin var hann orðinn alveg ruglaður á öllum pökkunum. En hann var ákaflega duglegur að rífa utan af pökkunum og hver smásnifsi af pappír var farið með beint í ruslið sem flýtti ekki fyrir afpökkuninni. Það gæti þurft að bíða með einhverja pakka á næsta ári þangað til daginn eftir til að halda andlegri heilsu hjá honum í jafnvægi en undir lokin gekk þetta bara út á að rífa utan af þeim( og auðvitað setja allt í ruslið ). Svo þurfti að leika sér að hverju dóti í smá stund og opna svo fleiri pakka, hann var orðinn mjög duglegur að sækja nýja pakka og fannst þetta vera hin mesta skemmtun. Smávægileg veikindi voru að reyna að hafa áhrif á hátíðirnar en það var reynt að halda þeim niðri eftir fremsta megin.
Síðan var flogið til Seyðisfjarðar þar sem héldum áramótin á Múlaveginum. Merkilegt hvað tíminn er alltaf fljótur að líða í firðinum þrátt fyrir að manni finnst maður ekki gera neitt... afskaplega rólegt og gott þar. Kannski er það bara vegna þess að maður er alltaf í fríi þegar farið er á Seyðis, en í minningunni var þetta alltaf svona þótt maður væri að vinna. Ekki tókst okkur að hitta alla og enga nógu mikið, eftir viku vorum við komin aftur heim og byrjað að snúa aftur sólahringnum við og koma rútínunni í sitt horf þangað til um páskana :)

Rokkaldurinn

Þá er rokkári 27 loksins gengið í garð hjá mér. Þónokkrir mundu nú eftir afmælinu og fékk þar á meðal varnaðarorð um að passa nú uppá mig á þessu mikilvæga ári fyrir tónlistarmenn. En þ.s. ég er nú ekki búinn að meika það, og fleiri hafa lifað af 27. árið í tónlistarheiminum heldur en hafa farist á því, þá tel ég mig hafa tölfræðina mín megin.

Þrátt fyrir að tónlistin sé aftur farin að taka tíma frá manni þá reynir maður að eiga sem mestan tíma fyrir fjölskylduna, þótt það oft ekki langur tími á hverjum degi. Um daginn kom Bjartur hlaupandi fram hlæjandi í átt að eldhúsborðinu þar sem við foreldrar hans vorum niðursokkin yfir morgunmatnum. Var þetta mjög óvanalegt miðað við litla þ.s. hann er meira fyrir að gráta ef hann vaknar einn í rúminu okkar, en hann fær iðulega að kíkja uppí til okkar undir morgun. Enda er hann búinn að vera óskaplega skemmtilegur og hress undanfarið og vonum að hann haldi því áfram. Fékk að gista hjá afa&ömmu 2 nætur um helgina, þ.s. foreldrar hans voru mjög uppteknir af skemmtanalífinu hjá sér.

12 dagar til jóla og flest allar gjafir tilbúnir, þó á eftir að klára hitt og þetta þannig að það er nóg að gera fram að jólum...

Líkbrúðurin

Alltaf jafn gott þegar við Bína tökum okkur til og gerum eitthvað saman, þótt það sé ekki merkilegra en að skreppa á Vegamót og fá góðan mat á góðu verði og setjast svo í bíósal. Þar sem alltaf er svo mikið að gera er ákaflega gott að brjóta samverustundirnar upp með því að gera eitthvað út af vananum...og að fara í bíó er ekki eitthvað sem ég geri mjög oft. En þegar Tim Burton kemur með nýja mynd skellir maður sér :) Eins hrifinn og ég er af Nightmare before Christman þá er Corpse Bride ekki jafn spennandi, ekki við fyrstu sýn. Rosalega flott og skemmilegar persónur og brúður, en söguþráðurinn aðeins of rólegur og fyrirsjálanlegur fyrir mig. En engu að síður verður maður aldrei fyrir vonbrygðum á Tim Burton mynd, ekki ég allavegana...frekar að maður býst bara við svo miklu af honum þ.s. hann á nokkrar stórmyndir sem maður heldur uppá. Þannig að kvöldið var ákaflega gott og endaði fyrir framan sjónvarpið það sem svefninn var farinn að síga yfir alla í fjölskyldunni en Bjartur var nú afskaplega stilltur að vanda og löngu sofnaður hjá Ömmu&Afa.

Svefnleysi

Helgarfríið á Seyðisfirði var allt og fljótt að líða, jafnvel þótt við mættum á fimmtudegi og fórum ekki fyrr en á mánudegi. Við hefðum alveg verið til í a.m.k nokkra daga heima á Múlaveginum =) Við náðum að hitta á Grím og foreldra þegar við kíktum í kvöldheimsókn í Garð. Grímur samþykkti ekkert annað en að taka þátt í kjaftaganginum og fékk að hoppa svoldið um líka. Þeir félagar, Bjartur og Grímur, hittist á fimmtudeginum og sýndi mikla tónlistarhæfileika þegar þeir tvímenntu á píanóið í Garði.
Ari Björn og Bjartur fóru saman í íþróttir með fleiri krökkum og léku sér svo saman á sunnudaginn. Ari Björn keyrði Bjarti í flotta bílnum sínum og sýndi okkur kisuna sína, en passaði nú líka uppá að Bjartur væri ekkert að leika sér of mikið að dótinu sínu. Símon og Ásta buðu okkur svo í gæs á sunnudagskvöldið sem endaði í nokkrum bjórum og værum blundi þegar heim var komið. Vonandi verðum við nú aftur á Seyðis um áramótin.
En nú er maður kominn aftur heim og alltaf nóg að gera, enda farið að styttast til jóla og það er nóg sem þarf að undirbúa og skipuleggja í jólagjafamálum. Stefnan var nú hjá mér að versla allar jólagjafirnar á netinu, og fá þeir bara sendar heim þannig að ég þyrfti ekki að fara í búð, en það urðu nú bara nokkrar sem voru pantaðar á endanum...þetta hefst kanski einhver jólin( þegar maður er orðinn of gamall til að fara í búð ). Kóngulóarbandið er eitthvað að spá í að koma jólalagi í spilun í ár þannig að það er alltaf nóg annað að gera heldur að skirfa eitthvað röfl hérna og merkilegt hvað mér tekst aldrei þessa dagana að koma mér í rúmmið fyrr miðnætti er löngu liðið...

Heimahagarnir

Halló heimur...eða halló röfl/blogg, ég er á lífi...damn hvað það er sorglegt að tilkynna að maður sé á lífi...og enn sorglegra að tilkynna það í bloggið sitt. En þótt að margt merkilegt hafi gerst síðan ég fór á Megadeth tónleika þá hef ég bara verið kjaftstopp síðan þá...það var nokkuð merkilegt að hafa æskuhetjuna sína á svona smá sviði á Íslandi í nokkra metra fjarlægð og gott ef hann var ekki bara nokkuð edrú =)
Til að stikla á því helsta síðan...Verslunarmannahelgin var í góðra vina hóp á Akureyri, vetur kom snemma á höfuðborgarsvæðinu, Bjartur byrjaður að spjalla og telja, Bína byrjuð að vinna, hin ýmsu afmæli og fleira sem mætti finna í mynaalbúmum og Kóngulóarbandið komið aftur á ról...
En nú erum við fjölskyldan komin austur á Seyðisfjörð og höfum það gott hjá Helgu ömmu. Snjór er yfir öllu á austurlandi og komumst við í jólafíling þegar við mættum á snjóklæddan flugvöllinn. Dimmt er yfir og kósy inniveður sem og fínt að kíkja út í göngutúr í myrki og snjó.

Megadauða tónleikar

Dave Mustain og félagar voru í heilmiklum rokkfíling þegar þeir stigu á stokk á Nasa á mánudagskvöldið. Ég var nú með blendnar tilfinningar þegar ég heyrði að tónleikarnir væru komnir inná Nasa frá Kaplakrika en það var ekki ekki verra. Drýsill steig fyrst á svið og var gaman að sjá Eirík Hauks taka fram rokkröddina, þó ég þekki nú ekki til þessarar sveitar frá fyrri tíð. Þegar Dave loksins lét sjá sig með Megadeth á svið var nokkuð ólýsanleg tilfinning, enda hef ég verið aðdáandi hans í þónokkur ár, eða það er tónlistarhæfileikum hans en annað í hans lífi er kannski mis gáfulegt. Það var frábært að fá þá á svona "lítinn" stað þ.s. manni leið næstum eins og að bandið væri að spila bara fyrir mig á köflum. Þótt að Megadeth menn hafi ekki verið með neina sýningu eða að hafa fyrir einhverjum tilþrifum eða klæðaburði skipti það engu þar sem tónlistin var svo mögnuð og spilamennskan nánast óaðfinnanleg. Eftir tónleikana var maður hálf orðlaus og átti ekki nógu góð orð til að lýsa upplifuninni, en þetta var "helvítis" rokk sem vel var virði að vera með hellu á öðru eyra út næstu viku =)

Bústaður

Farið var í Grímsnesið, nánar tiltekið í Hraunborgir, á sólríkum 17. júní. Verið var með eindæmum gott þann föstudaginn og laugardaginn líka. Bekka&Böddi, Valgeir, Balli og Lilja&Svala komu með og bættist Harpa við á laugardaginn. Á laugardeginum fórum við í Slakka þar sem dýrin voru skoðuð í yndælis veðri. Á sunnudaginn týndist liðið svo heim eftir góða helgarferð, en við krílin vorum eftir. Guðjón&Harpa kíktu í formúlu/grill, en formúlan var nú hálf döpur en grillið heppnaðist hinsvegar mjög vel. Þar var nýsjálensk nautalund sem hafði marinerast í hvítlauk í nokkra daga í aðalhlutverki, en ekki síðri var gráðostasósan. Heilmikil rigning tók við á sunnudeginum en birti þó með kvöldinu þegar létta fór á skýjunum. Helga Björt, Anna og Matthildur komu í heimsókn á þriðjudaginn og var létt stelpnapartý sett af stað á meðan ég fór með Bjart í pottinn og síðan í háttinn, en við kallarnir höfðum mest lítið til málanna að leggja hjá kellunum :) Á miðvikudaginn fórum við að skoða Gullfoss og Geysi, þó það hafi nú verið Gullfoss og Strokkur sem tekinn er við af Geysi gamla. Þá var vind farið að lægja og sólin aftur sýnileg af íseyjunni. Fimmtudaginn fórum við og skoðuðum okkur um á Sólheimum og vorum mjög hrifin af staðnum. Böddi&Bekka komu í heimsókn um kvöldið og komu í grillrest en eitthvað var eftir af nautalundinni sem og gráðostasósunni sem ég átti mjög erfitt með að skilja mig frá. Við Bína fórum svo í pottin og klárum bjórinn sem til var í bústaðnum þannig að svefn var ekki eins mikill og óskast hefði verið fyrir seinustu nótt í bústað, enda vorum við hálf uppgefin þegar við komum heim á föstudeginum =)

Ferðalag á Austurlandið

Keyrðum á Akureyri 2. júní og gekk ferðin norður til Akureyrar mjög vel. Bjartur svaf frá göngunum til Staðaskála. Þá tókum við smá matarpásu og heldum förinni áfram. Bína tók við akstrinum og ég datt alveg út alla leiðina á Blönduós. Þá var tekið smá stopp þ.s. Bína var farin að þreytast og ég tók aftur við og kláraði á Akureyri. Við gistum eina nótt á farfuglaheimilinu Stórholti sem okkur líkaði ákaflega vel. Fengum stórt og mjög snyrtilegt herbergi, mun betra en við áttum von á að fá á farfuglaheimili og munum við ábyggilega gista aftur á Stórholtinu. Daginn eftir fórum við og kíktum á Emil afa þar sem hann hafði það notalegt á Sjúkrahúsinu á Akureyri. Hann leit bara þokkalega út og hafði Bjartur heilmikið gaman af því að kíkja á kallana á sjúkrahúsinu. Við héldum svo áfram ferð og enduðum á Seyðisfirði eins og áætlað var nokkrum tímum seinna. Eins árs afmæli var haldið á Múlaveginum á sjómannadaginn og var heilmikið stuð þar á bæ. Veðrið var nokkuð gott en kaldur gustur var nokkuð stöðugur inn fjörðinn. Heilmikið var gert af því að liggja í leti og hafa það notalegt og vorum við ekkert á stressa okkur á að gera eitt né neitt, enda höfðum við það mjög gott hjá Helgu ömmu. Lagt var aftur að stað heim næsta sunnudag í fínu keyrsluverðri undir breiðum skýjabökkum. Við stoppuðum á Höfn og fengum okkur smá snæðing á Ósinum og heldu áfram. Þegar við vorum komin framhjá fyrirhuguðum gistingarstað á heimferðinni ákváðum við að klára bara keyrsluna af á einu bretti. Bjartur var nú ekki alveg sáttur við að stuttu seinna sem endaði með því að við stoppuðum og fórum með hann útí móa að teygja úr honum. Þá kom heilmikill ropi eftir mjólkurþamb í bílnum sem hafði verið að pirra kallinn. Haldið var áfram og gekk heimferðin bara nokkuð vel, þótt Bjartur hafi nú ekki sofið mikið á heimleiðinni.

Kóngulærnar komnar á ról...

Þá hefur Kóngulóarbandið tekið aftur saman eftir góðan dvala. Í gær spiluðum við fyrir Víðistaðaskóla og höfðu þeir sem þarf voru gaman að, og merkilegt hvað krakkarnir gátu hoppað um en prógrammið er ekki af rólegra kantinum. Eftir 2 vikur verður svo rokkað í Fjarðarbyggð á Sjómannadagshelginni.
Bjartur er eitthvað að leika sér að hita öðru hvoru, og við erum með áhyggjur af því að eitthvað sé í eyrunum, en hann fiktar iðulega í þeim þegar hann er þreyttur og er einhver móðursýki í okkur( en þó aðallega honum því hann ER mömmusjúkur ). Styttist í sumarfrí í júní, en þá verður haldið uppá 1. árs afmælið á Seyðis hjá Helgu ömmu =)

Hitchikerinn

Fórum á forsýningu á The Hitchhikers guide to the Galaxy á fimmtudaginn í góðra vina hóp. Hafði ætlað að taka Hall bróðir með mér, en hann komst ekki. Hann hefði átt það skilið að ég hefði boðið honum á myndina, þ.s. ég er búinn að vera með bókina hans í láni í nokkur ár...mörg ár =)
Myndin var nokkuð skemmtileg, sérstaklega ef maður hafði lesið bókina( en ekki nýlega, þá hefði maður ábyggilega verið pirraður á hlutum sem breytt var og sleppt ). Marvin var nú reyndar ekki alveg að ná að skila sér í gegn í myndinni, enda nennir fólk varla að hluta á þunglynt vélmenni í langan tíma. Ekki er alveg vitað hvernig leikkonan sem leikur Trillian fékk hlutverkið, en ábyggilega ekki fyrir leikhæfileika sína, hún var áberandi slæm. En myndin lúkkaði vel og hélt ágætist dampi, þótt hún hafi verið síðri eftir hlé.

Sólhatturinn til bjargar?

Jæja, þegar að Bjartur fór að ná sér af lungabólgunni datt ég í hálsblógu með tilheyrandi slími og beinverkjum. Sumardagurinn var sólríkur, en ég hafði það bara skítt inni í veikindunum og var ekki kominn á ról fyrr en á laugardagkvöldið. Það er hálf þreytandi hvað ég er veikur fyrir svona hálsbólguvírusum og tekst alltaf að pikka eitthvað upp, ekki nema mánuður síðan ég var síðast veikur. Nú verður látið reyna á sólhatt og sjáum hvort hann hressi ekki eitthvað uppá ónæmiskerfið. Læt mér duga að taka 2 töflur einu sinni á dag. Stórundarleg pakkning á þessu dópi, þar segir 2 töflur 1-4 sinnum á dag, en "mikil" notkun má ekki vera meira en 2 vikur í senn. Gera þetta líklega eins óljóst og hægt er svo fólk kenni sjálfum sér um ef þetta virkar ekki. Skil ekki tilganginn í því að framleiða þetta í töfluformi sem þarf síðan að taka 2 í hvert skipti, held að þetta sé bara eitthvað svindl eins og að láta fólk setja nógu mikið af tannkremi á tannburstann svo það kaupi nýja túpu fyrr.

Heiðardalurinn

Fjölskyldan skrapp austur um páskana. Ég tók mér frí í dymbilviku( vikunni fyrir páskahelgina, lærði þetta núlega ) þannig að við höfðum góða viku á Seyðis. Ekki var nú aðkoman í fjörðinn góð þar sem blámi úr bræðslunni lá yfir bænum, en sem betur fer var hann farinn daginn eftir og lét ekki sjá sig meir. Veðrið var gott fyrir austur og höfðum við það afskaplega gott, enda var nóg af fólki á Múlaveginum. Bjartur var nú smá tíma að venjast fólki, og þegar hann var búinn að taka alla í sátt var farið aftur heim. Við erum búin að vera með óþarfa áhyggjur af kallinum. Hann er búinn að fara í gegnum tanntöku, kvef og hjartaskoðun á stuttum tíma, auk þess sem hann hafið lítið sem ekkert þyngst frá lokum febrúarmánaðar. Þannig að hann hefur átt mestan okkar hug og hefur maður verið svona nett á nálum, þótt það hafi verið óþarfi því hann virðist hafa það fínt og kvartar ekki undan neinu. Þannig að við foreldrarnir erum bara sannkallaðir foreldrar með endalausar áhyggjur af barninu =)

Enn það er alltaf nóg að gera, sem sannast á því að hér er sjaldan ritað, þar sem tíminn fer í annað =)

Tíminn fýgur...

...þegar mikið er að gera. Óðinn Bragi hélt upp á eins árs afmæli um helgina og við Krílin kíktum í veislu til læknafjölskyldunnar.
Fjölskyldan fór svo á laugardagsrúntinn, þar sem farið var á Devitos, verslaðar bækur í Perlunni og matur fyrir kvöldið. Símon&Ásta komu suður með Ara Björn og hittumst við í vikunni og á laugardagskvöldið.
Í dag var svo bara letilíf framan af degi, Bjartur var nú eitthvað að þrjóskast við að fara að sofa en tók sér síðan smá lúr. Fórum á rúntinn og tókum myndir af Bjarti í Hafnarfjarðarsveitinni, en líklega vorum við nú komin inn í Garðabæ sem virðist umlykja fjörðinn. Bíllinn fékk góðan þvott og síðan var rólegt kvöld hjá okkur feðgum á meðan Bína fór að hitta vinkonur sínar. Bjartur var nú sofnaður þegar Bína fór, þannig að smá tiltekt og Rocky 5 var kvöldið hjá mér =)

Konudagurinn

Við feðgar fórum út í verlunarferð á konudagsmorgun. Fyrst var keypt bakkelsi fyrir hádegið og rauð rós. Síðan varu keyptar svínalundir fyrir kvöldið og leigðum spólur þannig að dagurinn var nokkuð planaður. Bína var hæstánægð með kallana sína þegar við komum loksins heim, en það tók nú sinn tíma að safna öllu saman. Um kvöldið voru svo lundirnar grillaðar og horft á imbann í mestu makindum, með grillaða banana og ís í eftirrétt. Í dag var svo áframhald af konudeginum, en þegar við versluðum rósina fengum við tilboð á A.Hansen út að borða, þannig að við skelltum okkur þangað í kvöld. Heilmikill matur og nú er rétt næg orka til að liggja og melta...

Fjölskyldubíllinn

Loksins varð af því að við fengum okkur nýjan bíl. Okkur er búið að dreyma um að versla einn Renault Scenic í meira en ár. Á miðvikudaginn fórum við í B&L í þeim erindagjörðum að versla nýja afturþurrku á Clio-inn gamla. Daginn eftir ókum við af planinu á 2003 árgerð af Renault Scenic. Það var bara einfaldara að drífa í því að fá sér þennan bíl, þ.s. það var nú dagskrá að gera það fyrir sumarið. Við erum rosalega ánægð með gripinn og ekki spurning að næsti bíll verður sama týpa, bara nýrri árgerð =)

Bóndadagurinn og góð helgi

Á bóndadaginn fóru mæðginin uppí bústað án mín. Ég átti nú svoldið efritt að sætta mig við það, en var ekki tilbúinn að fórna bandýtíma á laugardagsmorgninum. Kalladagurinn fór í að hitta Vefsýnarmenn og spila Axis&Allies, sem kláraðist reyndar ekki þar sem það var útséð að þyrfti meiri tíma en eitt kvöld, aðallega vegna þess hve ég var lengi að gera, enda var ég bæði með rússa og kanann þ.s. við vorum bara 4. Það var ákaflega gott að koma heima á bóndadagskvöldi(nóttu) og eiga skúffuköku frá henni Bínu minni og kalda mjólk, það var sárabót því ég fór einn í rúmið. Á laugdardeginum brunaði ég svo í bústaðinn til Lilju&Tóta þar sem afmælisveisla var hjá Lilju. Eftir afmæliskaffið fór Bjartur í pössun hjá Möllu og restin út á vatn sem var frosið. Þar var geyst um á snjósleða, látið draga sig á slöngu aftan í jeppanum og leikið sér að fjarstírðum bensínbíll. Sá fjarstírði fannst mér alveg meiriháttar og Bína skildi ekkert í því hvað ég hafði gaman að keyra honum í endalausa hringi...hef varla hugmynd um það sjálfur, mér fannst það bara svaka stuð =) Svo endaði kvöldið í potti með bjór og varð lítið um svefn þessa helgi sem ég virðist vera að taka út þessa dagana því ekki hef ég verið árrisull það sem af er vikunni.

Ótrúleg mynd

Við skelltum okkur loksins á the Incredibles í vikunni. Ég var afskaplega sáttur við mynda frá upphafi til enda. Það eina sem ég gat sett út á var að þegar henni lauk þá hefði ég alveg viljað stija í 2 tíma í viðbót því mér fannst eins og myndin væri bara rétt að byrja. Það er ekki oft sem ég vonast eftir framhaldi af mynd, en ég vona svo sannarlega að það komi framhald af þessari "ótrúlegu" mynd, sérstaklega þar sem ég er mikill teiknimyndakall =)
Þeir hjá Pixar mega eiga það að þeir kunna að gera "tölvugerðar"-teiknimyndir, enda nota þeir nú makka ;)

iPod jól

Fékk kallinn ekki bara iPod Photo frá sinni heittelskuðu í jólagjöf. Mig hefur dreymt um eitt stykki iPod í þó nokkuð langan tíma en átti nú ekki von á að Bína færi að spandera í svona dýra gjöf, en svona er hún nú góð við kallinn sinn =)
Fékk græjuna í hendurnar í gær og get ekki sagt annað en að ég sé sáttur. Það er frábært að hafa alla tónlist á sér hvert sem maður fer og harðan disk í leiðinni...og það skemmir ekkert að hafa myndir líka til að skoða. Tækið er búið að vera í gangi nánst í allan dag og enn ekki orðinn rafmagnslaus, enda á líftími rafhlöðunnar að vera 15 tímar sem er ágætt.
Tóti var einn í tölvulandi og Logi er einn í Apple landi...held ég sé með Applemania á of háu stigi. Reyni nú að vera ekki of æstur yfir þessu tæki, það er margt annað skemmtilegra þótt þetta sé skemmtilegt dót. En þetta er nú eitt af fáum gæðamerkjum í heiminum og vel virði hverrar...allra krónanna sem vörur þeirra kosta :)

Nýtt ár gengið í garð

Hátíðirnar hafa verið afskaplega góða, sérstaklega í ljósi þess að ég hef verið heima í orlofi í desember( maður væir nú alveg til í að geta tekið góð frí í desember í framtíðinni, þótt það verði nú líklega sjaldnast á það kosið ). Jólin voru haldin hátíðleg á Burnkavöllunum og var pakkaflóðið full mikið þ.s. við þurfum að opna pakkana hans Bjarts( og hann féll nóg af þeim ). Hann var í svaka stuði fram eftir kvöldi og endurtók leikinn á völlunum á Gamlárskvöldinu í gær. Við vorum frekar spök í gær og fórum bara heim fljótlega uppúr miðnætti. Enda vorum við búin að vera á fullu allan daginn að gera herbergið hans Bjarts tilbúið og flytja tölvuna inní svefnherbergi. Þannig að í nótt svaf kallinn í sínu eigin herbergi og var bara sáttur. Nýársdagurinn hefur einkennst af svefn hjá mæðginum. Þau fóru á fætur kringum 10 í morgun og tóku svo góðan þriggja tíma svefn frá hádegi. Ætli dagurinn verði ekki bara áfram haldinn hátíðlegur heima fyrir í innibuxum og ekki verra að það er nammidagur =)

Jólaundirbúningurinn

Rosalega gott að vera svona mikið heima við í desember. Jólakortin eru farin út, jólapakkarnir tilbúnir( allir sem eiga að fara austur komnir af stað nema einn) og búið að kaupa jólatré. Við fórum í góða kuldanum í dag og versluðum okkur eitt lítið tré hjá Björgunarsveit Hafnarfjarðar. Það en nú bara rétt yfir einn metrann þannig að við tókum það bara beint í bílinn. Eitthvað hefur líka verið verslað af jólaskrauti og verður engill ofan á tréinu okkar. Mér fannst það bara fínast lausn í stað þess að finna flotta stjöru, en þær stjörnur sem við sáum voru frekar ómerkilegar.

Við feðgar verðum einir heima í kvöld þ.s. Bína er að fara á jólatónleika með stelpunum. Við feðgar ætlum að hafa það gott og líklega verða bara pulsur og bjór í kvöldmatinn :)

Jólaorlofið hafið

Þá er desember vel á veg kominn og sömu sögu er að segja af 2. hluta barnaeignarorlofs sem ég tek í allan desember. Ákaflega ljúft að hafa tíma til að standa í jólastússi, geta vaknað við Bjart á morgnanna og verið með litlu fjölskyldunni okkar allan daginn. Ekki nóg með að desember sé kominn heldur er einnig kominn og farinn afmælisdagurinn minn, en nú er gamli kallinn orðinn 26 ára. Afmælisdagurinn var annasamur og um kvöldið var jólakvöldkaffi haldið hér á Hjallabrautinni. Bína gaf mér PacMan spilakassaleikinn í litlum stýripinna sem ég get tengt við sjónvarpið. Ég var ákaflega ánægður með gjöfina og grunar að þetta hafi líka verið fyrirbyggjandi aðgerðir hjá henni þar sem einhverntíman var ég að tala um að mig langaði að eignast PacMac spilakassa sem ég held að henni hafi ekkert litist á.
Mest allur jólaundirbúningur gegnur vel og ætla ég að athuga hvort ekki sé hægt að höggva tré einhverstaðar hérna á höfuðborgarsvæðinu og fara í smá fjölskylduferð um einhvern af stórskógum landsins :)

Bústaður að baki

Veikindin voru yfirstigin í vikunni sem leið og endaði sú vika í bústað. Á staðinn mætu Palli&Erla&Óðinn, Guggi&Harpa, Ásdís og Þóra. Fyrsta kvöldið var lífið tekið með börnunum, en Óðinn og Bjartur fóru svo í pössun á laugardeginum. Heilmikið var farið í heita pottinn um helgina og látið fara vel um sig með bjór í hönd. Pólitískar, og ópólitískar, umræður voru til tals á strákakvöldi í pottinum á föstudaginn. Til að komast að endanlegri pólitískri niðurstöðu um ágæti mismunandi pólitískra stefna var tekið Catan uppá framtíð kostninga. Niðurstaðan var að Framsóknarmenn voru eintómir bændur sem rétt svo gátu haldið lífinu í sjálfum sér. Sjálfstæðismenn voru ekkert að halda uppá vini sína í Framsókn og sáu endanlega til þess að þeirra var ekki björg. Hreinsunarstefna hreinræktaðra aría náði ekki fótfestu fyrir hinu gríðarsterku hugmyndafræði kommúnismanns sem fór sigurför um þessa litlu eyju Catan.
Í barnleysinu á laugardaginn var spilað og leikið sér, grillað og tekinn pottur við hvert tækifæri. Sumir tóku snemma að týnast til hvílu í hlý rúmin, á meðan aðrir héldu lengur til í heitum pottinum fram eftir nóttu. Sunnudagurinn tók svo á móti okkur rigningarmikill og svalur þegar þurfti að taka til á pallinum og þrífa pottinn. Við löggðum af stað í bæinn á sama tíma og Ásdís sem var svo óheppin að vera með sprungið dekk og þurfti að keyra á aumingja alla leið inn til Reykjavíkur. Við tókum fram úr henni og bruðum í sjoppu í Hveragerði. Þegar við fórum að nálgast Reykjavík vorum við á eftir 4 bílum sem virtust ekkert vera að flýta sér og hvað þá að reyna að taka fram úr okkar einu sönnu Ásdísi sem leiddi fylkinguna. Bíllinn fyrir framan okkur tók fram úr Ásdísi og fylgdarmanni hennar og við gerðum slíkt hið sama við fyrsta tækifæri. Vitir menn, fylgdarmaðurinn sem ekkert var að stressa sig á hægri keyrslu Ásdísar var gamall kall( gott ef hann var ekki með hatt...amk með hann við hlið sér ). Stuttu seinna vorum við komin í bæinn og tókum smá tíma að renna augum yfir bílalestina sem fylgdu Ásdísi og "herra öldruðum og óstressuðum". Þar mátti líta góðan bílaflota uppá amk 20 bíla sem komu fast á eftir þeim og ábyggilega ekki allir sáttir við herramanninn sem ekkert var að gera sig líklegan að taka framúr hægfara forystubílnum. En við ákváðum að stoppa ekki lengi og virða bílalestina fyrir okkur og komum okkur áður en við lentum aftur í henni.
Þegar við sóttum Bjart til Bödda vissi hann ekki hvort hann ætti að hlæja eða gráta hann var svo glaður að sjá okkur aftur... sem og vorum við =)

Komin aftur suður

Þá er fjölskyldan komin aftur suður eftir að hafa verið í góðu yfirlæti hjá Helgu ömmu á Seyðisfirði. Litlu mátti þó mun að ekkert varð af ferðinni austur eftir að hitinn fór af íbúðinni á miðvikudagskvöldið. Kuldakastið fór svo í mig að á fimmtudagsmorgun var ég orðinn veikur og kom hiti ekki aftur fyrr en á föstudagsmorgun. Var heilsan rétt svo nægilega góð til ferða og var ákveðið að láta slag standa og skellt sér austur í myrkrið. Áfengi og verkjatöflur voru óspart nýttar til að halda lífinu í mér yfir helgina og koma mér á einhverja af þeim uppákomum sem á staðnum voru, en samt fór nú mestur tími í að sitja heima í hitanum. Veikindin hafa nú horfið úr hálsinum og hefur þetta verið snýtudagur mikill en ekki get ég þó sagt að hann hafi verið góður. Afskaplega gott að koma heim í heita íbúð, en þegar við fórum var hiti nýkominn í ofnana og seinustu minningar hér voru bara kuldi. Nú fer að koma tími á að leggjast til svefns og vona að vinnuheilsa verði komin í kroppinn í fyrramálið.

Myrkir dagar um helgina

Þá verður haldið austur á Daga Myrkurs á Seyðisfirði um helgina. Þar verður Afturganga í ljóslausum bænum, leiksýning, hryllingsbíó, kalla- og kellingakvöld, miðlar, myrkraball og útlit fyrir hryllilegt stuð =) Fjölskylduna hlakkar til að komast í gott yfirlæti hjá Helgu ömmu og öðrum á Múlavegnum. Farið verður á hádegi á föstudaginn og ekki komið aftur til borgarinnar fyrr en á hádegi á mánudegi svona til að gera sem mest úr þessari helgarferð, enda kostar sitt að flúga innanlands á Íslandi í dag. Líklega verður þessi ferð í staðin fyrir jólaferðina austur, en í staðin fáum við kanski Helgu ömmu til að kíkja í heimsókn í staðin og kíkja á Bjart =)

Vegamót og leikhús

Starfamannafélag í vinnunni ákvað að fara á Vodkakúrinn með Helgu Brögu og Steini Ármanni um daginn. Við skelltum okkur á Vegamót út að borða, í annað skipti í mánuðinum eftir mjög mikla ánægu með fyrri ferðina. Við vorum ekki svikin, prufuðum bæði nýja rétti og vorum södd og sæl þegar við gegnum út af staðnum. Síðan var haldið á sýninguna sem okkur fannst þegar upp var staðið fín, ekkert meistaraverk en við höfðum mjög gaman af persónum og leikendum :) Helga Braga stóð fyrir sínu og persónur Steins Ármanns voru mjög góðar á köflum þannig að við vorum sátt við kvöldið :)

Út að borða

Í gær kíktum við á Vegamót ásamt Berglindi, Matthildi, Eyrúnu&Jobba og Helgu&Ingabirni. Ég var nú ekki alveg viss hvort ég nennti að fara, ekki mikill áhugamaður um reykmenningu miðbæjarins og í seinustu(einu) skipti sem ég hef borðað áður á Vegamótum hafði ég ekki verið hrifinn, en það eru nú 3-4 ár síðan. Við fengum sæti fyrir innan barinn þannig að engin voru reykjarfíflin á ferð. Matseðill hafði gildnað heilmikið síðan ég kom þarna seinast, mig minnir að þá hafi verið 10 réttir en höfðu þeir margfaldast með árafjöldanum sem liðinn var frá því ég kom þangað seinast. Margt var grinilegt á matseðilinum og ekki var maturinn síðri fyrir augað þegar hann var kominn á borð og enn betri í maga. Við skötuhjúin vorum ákaflega hrifin af staðnum og sjáum framá að þurfa að kíkja þangað aftur við fyrsta tækifæri, en þegar að stubbasjúgarar létu sjá sig á næsta borði var tekið á rás út í ferska loftið =)

Fjörðurinn góði

Kíktum í nokkra daga austur fyrir mánaðarmót og gistum á hótel Mömmu á Seyðis. Það er nú alltaf gott að koma heim í fjörðinn og ganga um bæinn og muna hvernig var að vera lítill á ferð og flugi. Merkilegt hvað allt virðist hafa minnkað með tímanum...eða bara ég sem hef stækkað. En þrátt fyrir það er staðurinn alltaf frábær, jafnvel þótt við komum í grenjandi rigningu. Einhverntíman hafði maður hugsað sér að flytja aftur í fjörðinn, en í dag er ekki viss um það sé neitt að fara að gerast. Bæði atvinnulega séð og félagslega þar sem flestir vinir okkar eru staddir á höfuðborgarsvæðinu og ekki fer maður nú að eignast nýja vini á gamalsaldri =) En það virðist sem að bærinn hefur átt það betra þegar að nokkrir stórir vinnustaðir voru enn til staðar. Það er erfitt að reka úti smá"stór"bæ sem hefur ekki stóra vinnustaði sem þjónusta byggist í kringum. En Seyðfirðingar státa nú ekki bara af einum fallegasta bæ landins heldur hafa þeir líka löglegan handboltavöll =) Það er vonandi að þeir sem á staðnum eru og sem þangað mun flytja verða duglegir að byggja bæinn upp og halda honum við og hef ég ekki trú á öðru. Á ekki von á því að þetta verði bara sumarbústaðaland, en þó hef ég heyrt af einum innfæddum sem segist ætla að slökkva ljósin á staðin ef allt fer til fj...
En eins og sést en alltaf mikið að gera, og þegar mikið er að gera hefur maður engann tíma til að skrásetja það...svo loksins þegar maður sest niður og skráir, þá man maður ekki nokkurn sapaðan hlut =)

Afslappandi helgi

Helgin var afskaplega góð og afslappandi. Það voru ýmis plön um að passa Svölu og kíkja í mat en allt datt uppfyrir og áttum við fjölskyldan bara góða helgi saman. Við fórum í búðir á laugardeginum og þá fann ég 10m SVHS snúr þannig að ég gat tengt tölvuna við sjónvarpið þótt hún sé inní herbergi. Það er afskaplega gott að hafa smellilista með nægu plássi á bakvið þegar maður ákveður að bæta við nokkrum snúrum þverf yfir nokkur gólf. Reyndar tók það mig góðan klukkutíma þ.s. ég þurfti að leggja snúrurnar undir 3 hurðir og þar eru bara gömlu góðu tréspíturnar til staðar. Þannig að þetta kostaði smá tálg en fór allt undir að lokum og afskaplega gott að geta næstum alveg falið allar snúrur. Nú er enn minna mál að horfa á eitthvað úr tölvunni, bara sett af stað inní herbergi og horft í sjónvarpsholinu =)
Síðan er allt að gerast í sjónvarpinu í kvöld, fótbolti, suvivor, Sopranos og eðli mannsins...það verður að skipuleggja þetta vel =)

Byrjendur...

Það eru tveir staðir sem ég á erfitt með að hemja skap mitt: íþróttir og umferðin. Í íþróttum leyfir maður sér stundum að láta öllum illum látum þegar harðar keppnir eru í gangi, en þó á þetta nú aðallega við þegar ég sjálfur tek þátt. Í umferðinni geta aðrir ökumenn farið merkilega mikið í taugarnar á mér. Þegar maður elst upp í bæ þar sem aldrei þarf að bíða eftir ljósum, eða "mis"-gáfuðum ökumönnum þá virkar höfuðborgarsvæðið sem hægfara leikvöllur letiblóða. En þrátt fyrir þessa mjög slæmu upplifun minni af umferðinni tók ég eftir tilkynningu um daginn sem náði til mín. Þegar skólastarf byrjar koma reglulega ábendingar til okkar ökumann að hæga á okkur og börn séu á ferð. Oftast hafa þessar ábendingar ekki bein áhrif á mig og hverja mér jafn fljótt úr huganum og ég sá þau utan vega. En á ferð minni um Garðabæ um daginn sá ég borða sem á stóð eitthvað eins og "Byrjendur í skóla, byrjendur í umferðinni". Kanski var það vegna þess að engin skipun var í textan að ég tók hana til mín. Þessi orð skópu skýra mynd af barni á leið í skólann sem hafði aldrei farið yfir götu áður. Ég held ekki að ástæðan hafi verið að ég sé orðinn foreldri, því hinir skipandi athugasendir annara skilta um að hægja á mér eða spurningar hvort mér liggi lífið á virðast bara ekki ná til mín. Held að það sé eitthvað óhugnarlegt við tilhugsunina að vera byrjandi í umferðinni á höfuðborgarsvæðinu á sjötta ári. Það er ekki hægt að ætlast til að öll börn geti tileinkað sér umferðareglunar um leið og það vill enginn lenda í því að fá barn fyrir bílinn á mikilli ferð. En þessi skilboð náðu til mín og var þetta líklega í eina skipti sem ég hugsaði um hraðann...og það er nú meira en að vera tekinn af löggunni fyrir of hraðann akstur gerir =)

Eplavinur

Óskaplega finnst mér nú Apple vera að gera líf mitt gott. Eftir að vinna á PC allan daginn finnst mér óskaplega gott að koma heim í Mac OS X stýrikerfið á heimistölvunni. Skype er nýkomið fyrir makkann og prufukeyrðu Bína&Bjartur það í kvöld og spjallaði við Eyrúnu fyrir mat og ég spjallaði aðeins við Dag bróðir eftir mat. Mjög sniðugt að hafa forrit sem virkar milli PC og Mac, þar sem það eru nú ekki margir sem vilja vera í minnihluta í þeim málum og fara yfir á makkahliðina. En nú þarf bara að komast í samband við Múlaveginn og þá getur Bjartur spjallað við ömmu sína...

Auglýsingavefurinn mbl.is !

mbl.is tók sig til og uppfærði vefinn sinn, shit sýnist hverjum og gat ég ekki lesið staf á þessum nýja vef þeirra fyrir ógrynni af flash auglýsingaborðum sem tröllréðu öllu á síðunni. Enda skiljanlega þar sem vefurinn verður að hafa tekjur af öðru heldur en áskrift. En þar sem ég gat ekki lesið neitt fyrir endlausu blikki og hreyfingum þá varð ég að losna við þetta. Eins og allir sem nota PC ætttu að vera búnir að gera sér grein fyrir löngu síðan er það að Internet Explorer er drasl og gerir ekkert nema auka lýkurnar á að tölvan smitist á vírusum. Þess vegna nota ég Mozilla Firefox. Náði mér síðan í litla viðbót fyrir Mozilla sem slekkkur á öllu flash og setur í staðin "play" hnapp þar sem hægt er að velja hvaða flash fer af stað.

Sem betur fer er ég ekki flogaveikur þegar ég skoða mbl.is því þá myndi ég án efa fá kast þegar allir þessir blikkandi auglýsingaborðar réðust á mig. Það er grátbroslegt að vefur sem hefur lagt áherslu á að veita sjónskertum góðan aðgang að vef sínum skuli láta svona viðgangast hjá sér, en þeir sem stunda nethönnun með hliðsjón af fötlum á netinu eiga að vita að blikk af öllu tagi á ekki að birtast notanda nema honum sé gert grein fyrir því þ.s. sumir aðilar geta tekið illa við. En þetta er jú bissniss eins og allt saman!

Tíminn líður

Tíminn flýgur áfram þessa dagana. Ætli það sé ekki til marks um það hversu mikið maður hefur við tímann að gera að aldrei gefst tími til að skrifa nokkurn skapaðann hlut hérna. Enda er maður kanski ekki að gera neitt merkilegt. Við erum enn í hreiðurfíling og kunnum afskaplega vel við okkur innan veggja heimilisins, en förum þó í stuttar heimasóknir hingað og þangað, og fáum heilmsóknir. Nú þarf bara að finna góðan tíma til að skella sér í vikufrí á Seyðisfjörðinn svona áður en vetur konungur gengur alveg í garð, þótt hann láti nú varla sjá sig fyrr en á næsta ári. En hagstætt fluggjald verður einnig að finnast, en verðlag á flugi milli fjórðunga landsins hefur um tvöfaldast frá því ég fór að fljúga reglulega suður og þykir mér flugferðin heldur dýr á fullu fargjaldi, en nóg um ekki neitt. Heyrði í Degi í kvöld, en ég hafði ekki heyrt í honum lengi, þá sagði hann einmitt að ef maður hefur ekki samband við fólk í langan tíma hlýtur það að vera merki þess að maður hafi það svo gott að engin þörf eru fyrir frekari upplyftingu, því hvað eru samskipti við aðra annað en upplyfting?

Asian express

Hitabylgjan búin að steikja landið og nú er loksins að verða komið vinnuveður aftur. Kallinn hann ég hef verið duglegur að mæta snemma á morgnanna og farið í kjölfarið snemma heim úr vinnu sem hefur haft sína kosti að komast snemma heim til fjölskyldunnar, en kvöldin verða svoldið erfið uppúr 11 á kvöldin :)
Var í bæjarferð og kom ekki heim fyrr en um kvöldmatarleitið þannig að ég pikkaði upp tvo Súmmó á Asian Express sem ég mæli hiklaust með. Finnst Asískur matur ákaflega skemmtilegur og þessi staður er mjög góður og á sanngjörnu verði fyrir þá sem eru á ferðinni í miðbæ Hafnarfjarðar.

Rokktónleikar

Kíkti á rokkveislu á Grandrokk í gær ásamt Dr. Ponk. Ókind átti fyrsta leik sem nokkuð þéttur og tóku þeir góða spretti, en voru helst til lengi á sviðinu og hefðu mátt sleppa 2-3 lögum. Næsir voru Amos og við upphaf leika virstist vera von á Darkness á sviðið, og aldrei að vita nema Amos verði heilmikið band í framtíðinni. Atómstöðin steig svo á svið og kláraði dæmið með ágætum. Sérstaklega hafði ég gaman að "Too many puppies" og "Ace of Spades" coverlögunum hjá þeim. Síðan voru gömul og góð í bland við ný enskumælandi lög sem ég var að heyra í fyrsta skipti. Þarna bar ég líka augum bassatrommuskinnið, bolinn og nýja diskinn en maður gerir stundum eitthvað fyrir strákana þegar þeir biðja um það =)

Brúðkaup

Helgin hefur einkennst af ákaflega góðu veðri. Á föstudaignn skruppum við skötuhjúin í tívolíið hjá Smáralind. Fórum í parísarhjólið og bollana og gott ef ferðin í þeim var ekki hraðari en í fyrra, en aldurinn(foreldratitillinn), farinn að segja til sín því ég var ákaflega slappur eftir allan snúninginn.
Á laugardaginn fór svo fram brúkaup Gústa&Ösju á ættaróðali nýbakað bónda að Kaldárhöfða. Athöfnin fór fram í litlum garði sem var í fullum blóma í góðu veðri. Brúðarterta var svo borin fram í tjaldi fyrir ofan bæinn og var umhverfið alveg meiriháttar. Sólin læddist á bakvið ský á meðan á athöfninni stóð, sem margur þáðu þar sem hitinn var helst til mikill yfir hádaginn. Um leið og hjónin voru gefin saman og sýslumanni kom sólin fram og baðaði nýgift hjónin í geislum sínu. Síðar var svo borinn fram grillmatur og áttu sumir í mestum erfiðleikum að hætta að borða, því maturinn var góður, en pláss hjá mönnum var ekki nægilegt þannig að hægt og rólega dró úr matarferðum. Þetta var æðissleg athöfn og voru allir ákaflega ánægðir með daginn og óskum við nýgiftum hjónum aftur innilega til hamingju og baráttukveðjur þegar erfinginn lætur sjá sig eftir nokkrar vikur =)

Foreldrafríið búið

Er minn ekki bara orðin pabbi og alsæll með litla kútinn sinn. Drengurinn byrjaði að gera vart við komu föstudaginn 4. júní, og mætti svo á svæðið tíu mínútur yfir tólf 5. júní 2004. Allt gekk að óskum og vorum við komin heim samdægurs þar sem ömmur, afar og aðrir fjölskyldumeðlimir kíktu við næstu daga og síðan fengu vinir að koma þegar að brjóstamjólkin var komin. Litli kallinn dafnar vel og kann ákaflega vel við lífið og tilveruna hjá foreldrum sínum. Á morgun verður hann 1 mánaða gamall og einnig er þá lokið mánaðar fríi sem ég er búinn að njóta með mæðginunum. Haldið verður áfram með fæðingarorlof í jólamánuði og næsta sumar þegar kallinn er farinn að verða fær í flestan sjó. Lífið heima er bara yndislegt og hafa nýbakaðir foreldrar það mjög gott enn þar sem drengurinn er mjög svefngjarn og vær og vonumst við foreldrar hans að það haldist sem lengst. Eftir viku verður hann svo skírður og þá loksins getum við hætt að passa okkur að missa ekki út nafnið hans í viðurvist annara.

Góð hvítasunnuhelgi

Helgin var ákaflega góð og mér fannst hún vera mjög löng og þeim mun betri. Tókst að hlaupa úti á laugardags- og sunnudags morgunn þar sem ég var árrisull, sem var ákaflega gott að hreyfa sig aðeins þar sem laugardagsbandýið er komið í sumarfrí. Jóhann kom í smá heimsókn á föstudagskvöldið, í grill, og færði okkur rauðvín og kom með myndbandsupptökuvélina sem hann keypti handa okkur í USA. Það voru grísalundir á boðstólum og ákaflega gott að vanda. Á laugardeginum kíktum við í nýju íbúðina hjá Bödda&Bekku og spiluðum svo Catan við Bödda um kvöldið. Á sunnudeginum kíktum við í Catan til Hörpu&Guðjóns og hittum það nýja erfingjan hana Matthildi. Í dag var svo enn einn rólyndisdagurinn, enda eru sumir farnir að bíða eftir að einhverjir láti sjá sig og það styttist í að væntanlegur komutími renni upp...en líklegt að við gætum þyrft að bíða eftir að hátíðardagur renni upp?
Þannig að helgin var bara í heildina góð og stórmerkilegt að halda hátíðlegan þann dag sem "Guð" gaf Móses boðorðin 10.

Styttist í EM

Þá fer að líða að EM í fótbolta 2004 í Portúgal. Ég ætla að taka áhættu á að veðja á heimamenn muni mæta Frökkum í úrslitaleik, hvort þeir nái svo að sigra Frakkana er annað mál. Ætla einnig að giska að Spánverjar nái ekki að komast uppúr sínum riðli og að Grikkir komist áfram með heimamönnum. Frakkar munu halda áfram og segi ég að Englendingar komist líka áfram. Búlgarar, Ítalir, Tékkar og Þjóðverjar fara einnig áfram.
Í 8 liða úrslitum ætla ég að segja að Þjóðverjar fari áfram og tapi fyrir heimamönnum og Tékkar tapa 4 liða úrslitum fyrir Frökkum. Nú er bara að sjá hversu nálægt maður kemst raunveruleikanum...en þetta er nú bara spurning um að hafa það gott í júní með fótboltaglápi og Carlsberg....og jafnvel að einhver muni horfa með mér =)

sexy icelandic rockstar of the week

Hvað finnur maður ekki skemmtilegt á netinu. Var að skoða hvernig leitarvélar væri að finna mig og þá poppaði þessi síða upp, ekki slæmt að vera "sexy icelandic rockstar of the week" =)

1. blóðgjöfin

Loksins komst ég til að gefa blóð. Ástæðan var reyndar sú að blóðbíllinn var staddur fyrir utan Smáralindina í dag. Ég hafi nú einhverjar áhyggjur að verða slappur eftir gjöfina en þetta var minna mál en ég hélt og hef ekki orðið var við neitt, en líklegast er nú þolið ekki í fullri hleðslu með minna blóðmagn. Annars erum við bara að taka lífinu með ró þessa síðustu daga fyrir fjölgun en þá verður líkast til lítill tími til að liggja og slappa af tímunum saman =)

Stafsetning.is

Athafnamenn á Íslandi eru að taka saman íslenskan yfirlestrarfítus fyrir makkann sem er kærkominn viðbót fyrir jafn íslenskufatlaða menn eins og mig. Það að skrifa bréf á ensku og fá um leið röng orð undirstrikuð hefur reynst mér vel, en verst er bara að það er sjaldan sem enskan en brúkuð. Þetta gæti einnig bætt málfar mitt hér á síðunni minni til muna þar sem ég skrifa, eða pikka, oft hér án þess að lesa yfir og læt hvaða vitleysur standa hér. Enda finnst mér lítið mál að skilja orð þar sem flestir stafirnir eru til staðar, það er fljótgert að raða þeim í viðkomandi orð og stend ég mig stundum að því að snúa þannig réttum orðum uppí eitthvað óskiljanlegt í texta þar sem allt er löglega gert. En frábært framtak og ég vona að þessi hugbúnaður verið brátt að raunveruleika =)

Stórafmæli hjá Bínu

Á sunnudaginn síðasta hélt Bína mín uppá stórafmæli og erum við nú 50 ára saman. Dagurinn byrjaði snemma þar sem von var á gestum fyrir hádegi. Það var svona eftir hádegis brunch og mætti fullt af fólki sem gæddi sér á dýrindis súpu og ostakökum í eftirrétt. Bína fékk fullt af flottum gjöfum og þar á meðal gasgrill frá stelpunum þannig að okkur var boðið í læri um kvöldið hjá okkur með því skilyrði að við elduðum sem var gert í glampandi sólskyni og endaði dagurinn á fínusta grillmat og afslappelsi um kvöldið eftir langan dag.

Böddi gamli

Á föstudagskvöldið fórum við skötuhjúin í afmælisveislu til Bödda og Bekku, en Böddu hélt uppá eitt gott árið í viðbót. Það var grillað lamb og setið að áti og öldrykkju fram eftir kvöldi. Okkur köllunum tókst að torga þónokkrum bjórum og komnir í góðan fíling þegar við Bína héldum heim á leið. Til tals kom að Böddi sæi nú ekki framá að hafa tíma til að spila golf, eitthvað voru aðrir nú að spá hvort hann myndi taka golfspil fram yfir barnabarnið þegar sumarið væri komið í öllu sínu veldi.

Dauðans drykkur

Það kemur fyrir að ég fæ mér kakó í vinnunni (eftir að ég fékk þér upplýsingar frá Albert að hægt væri að fá kakó úr kaffivélinni) svona þegar að svalt er úti. Í gær valdi ég, reyndar fyrir slysni, KakóKaffi...hugsaði bara með mér að best væri að prófa þ.s. maður er nú farinn að eldast þá er bara fínt að reyna ath. hvort kaffið er ekki farið að höfða til manns. Bragðið var viðbjóðslegt, í gegnum sætt kakóbragðið ylmuðu viðbrenndu kaffibaunirnar en smökkuðust sem viðbrenndar kaffibaunir. Hálfur bolli og ég gafst upp. Það sem eftir lifði degi var ég að drepast í maganum og með bragðið af viðbrenndu kaffibaununum á tungunni. Kaffi er einn sá viðbjóðslegasti drykkur sem ég veit um og ég vorkenni líkömum fólks sem hefur vanið sig á þennan óþverra.

Heilmikill vinnudagur

Það tók mig góðan tíma að koma nýju vinnuvélinni upp og keyrandi þróunarumhverfið. Fyrst hafði ég gleymt einni semikommu (;) en það var ekki nóg, þá tók við annar eltingaleikur sem strákarnir í vinnunni uppgötvuðu loksins að var ein lítil skrá sem þurfti að vera á rót vélarinnar. Eitthvað sem ég hafði ekki hugmynd um og var bara vitneskja sem menn geyma í skyndiminni, óþarfi að vera að skirfa allt hjá sér. En þegar þessu ævintýri var lokið gat ég loksins farið að vinna, þótt klukkan væri reyndar orðin 4. En það voru 2 góðir vinnutímar sem ég náði. Við Bína fórum síðan og keyptum Toy Story, Toy Story 2 og Monsters Inc. á tilboði í Skífunni. Ég nota það sem afsökun að verið sé að versla þetta fyrir ungviðið =) Síðan tókum við dýrindis pizzuveislu á Eldsmiðjunni og fórum heim að liggja yfir sjónvarpinu.

Litla hryllingsbúðin og Siam

Á föstudaginn fórum við að borða á Siam í friðinum sem við höfðum heyrt góðar sögur af og stóðust þær allar. Maturinn var rosalega góður og við yfirgáfum staðinn pakksödd og sæl. Ferðinni var heitið í Garðabæ þar sem við fórum á uppsetningu FG á Litlu Hryllingsbúðinni. Aðal ástæða þess að við fórum var sú að Hrefna Bóel er plantan og skilaði hún sínu óaðfinnanlega. Sýningin var frábær og það eina sem betur hefði mátt fara að sýna hefi mátt í einhverju stórleikhúsi því gæðastimplinn var alveg á við stórleikhús. Þegar við komum heim dró Bína fram disk af uppfærslu Borgaleikhússins, og að okkar mati fór FG með sigur í flestum lögum, þetta var rosalega flott hjá þeim =)

Feitikallinn ég

Loksins, loksin eru 80 kílóin staðreynd. Þetta er búið að vera erfitt að bæta við sig, en síðan að ég og Bína hittumst hefur mér tekist að bæta við mig 10kg sem ekki veitti af =)
Ég þakka þetta að miklu leiti honum Hómer félaga sem alltaf er hvatning í mataráti =)
Seinasta hálfa árið hefur einnig verið tekið vel á því og mötuneyti Hugar hefur þar átt góðan þátt í því að ég hef oft náð 2 stórmáltíðum á dag í staðin fyrir að hafa bara góðan kvöldverð. Einnig hefur eldamenskan enn verið fyrir 4 manns þannig að ég hef verið duglegur að borða mikið...og afganga, takk allir =)

Komin með kerruvagn

Þá er höfuðverkur minn á enda v/ innkaupa á barnavagni eða barnakerru. Ég var nú ekkert svo lengi að skilja muninn á vagni og kerru en þá flæktist þetta með nokkrum ferðum í barnavagnabúðir, eða barnakerrubúðir, sem enduðu á því að ég reyni ekki einu sinni að muna hvort er hvað. Í gær tók Bína sig til og fann 2 vagna á netinu sem við skoðuðum í gær og keyptum annan. Spöruðum þónokkuð og hans smellpassaði í bílinn, þannig við spöruðum heilmikið því þá getum við notast við bílinn áfram án mikilla óþæginda =)

B&L 2004

1. í B&L og gjöf frá verðandi langaafa (17.03.2004)
Í gær var fyrsti í B&L hátíðarhöldum okkar, við erum að halda uppá 2ja ára afmæli okkar og ákváðum að gera það frá 16.mars til 16.apríl. Í gær var það rómantískur kvöldverður undir kertaljósi sem varð fyrir valinu. Einnig fékk Bína hveitikrús sem hún hefur óskað eftir í svoldinn tíma, kanski það verði fleiri smágjafir á tímabilinu =) Email afi, verðandi langaafi, kíkti í heimsókn í gær ásamt Gauta og færði okkur að gjöf veglegan hamar, eitthvað sem hefur vantað á heimilið frá því við fluttum inn og á eftir að koma sér vel þegar verið er að neglast hér og þar um húsið, þannig að listinn yfir það sem vantar er bara að styttast, enda er það planið að klára sem mest fyrir sumarið og þá verður ekkert planað að ráði næstu árin. En dagurinn í dag er fullsetinn þannig að það verður kanski lítið um hátíðarhöld, en sjáum hvað gerist...við þurfum að fara á foreldranámskeið o.fl.

2. í B&L (17.03.2004)
Sökum tímaskorts í dag gerðum við nú ekkert stórfenglegt, en leituðum að stuttustotta picknick stað í Kópavogi, sem endaði á að við fengum okkur nasl í bílnum...en reyndar fyrir utan sumarbústað, eða sumarhús, þannig að við vorum næstum því komin uppí sveit. Síðan var farið á foreldranámskeið, þar sem við héldum áfram mjög áhugaverðu námskeiði hjá Hrefnu í Magna Mater. Í kvöld fengum við 8 fæðingar beint í æð af skjánum og fór það misvel í fjölskyldumeðlimi, en þeir ættu að jafna sig. Mest kom mér að óvart hvað allir nýburarnir voru bláir og fjólubláir, hélt að þeir væru ekki á lífi, en síðan brögguðust þeir eftir nokkrar sekúndur =)

3. í B&L og viðurnefni afa (19.03.2004)
gÍ gær komst ég að því þegar ég kom heim að ég hafði skrifað Email afi, en ekki Emil. Sem er í raun nokkuð skondið þar sem hann var að fá sér laptop og spurning hvort hann verði ekki bara tölvunörd innan skamms.
Hátíðarhöldin héldu áfram í gær, og nú var hverdagslegur karrífiskur eldaður af henni Bínu minni...sem fékk óskaplega sætan myndaramma með 2 englum ofan á í tilefni dagsins. Síðan var legið í mikið í baðkarinu í gærkvöldi og slappað af...

4. í B&L (19.03.2004)
Páskarnir nálgast og þegar ég kom heim í dag tók á móti mér páskaeggjaslóð með skilaboðum frá Bínu minni sem endaði inní stofu á pakka sem innihélt fullt af Kinder eggjum. Í þeim voru ýmis leikföng sem var einmitt eitthvað fyrir mig.
Um kvöldið var elduð pizza og áttum rólegt kvöld yfir sjónvarpinu og höfðum það notalegt...svona á meðan við höfum enn tækifæri á =)
Loksin búin að setja inn myndir frá morðgátupartý/25 ára afmæli og Jólum og Áramótum 2003 =)

5. í B&L (21.03.2004)
Loksins höfðum við smá tíma til að halda uppá daginn, og þar sem við tókum smá ferð inní Reykjavíkina þá skelltum við okkur í Hallgrímskirkjuturn, þar sem það var sól og blíða en við höfum farið þangað á hverju ári og gerum vonandi áfram. En annars fékk ég mínu framgengt og við gerðum mest lítið í kvöld, þar sem ég var bara ekki í fíling fyrir neitt sérstakt. Í fyrramálið verður svo formúlupartí, er búinn að versla playstationleik svo hægt sé að kanna brautina. Reyndar aðeins leikur fyrir 2001 tímabilið, en brautirnar eru flestar þarna. Von er á Gugga&Hörpu, og Palla&Erlu(&lilla) ef nóttin verður góð hjá þeim.

Gestir þann 6. og skattur 7. (23.03.2004)
Á sunnudaginn, 6. í B&L, tókum við á móti gestum í formúlupartý. Guggi&Harpa komu og síðan Palli&Erla&Lillinn sem var auðvitað miðpunktur athyglinnar en var óskaplega rólegur og hafði lítinn áhuga á formúlu kallanna.
Í dag var svo legið yfir sjónvarpinu og notið þess að eiga góðan svefnsófa, svona þegar búið er að púða hann vel upp. Síðan tók ég til við að gera skattframtölin um 11 og náði að klára það 4 mín. e. miðnætti, en það var búið að framlengja skilafrestinn þannig að það var ekkert stress í gangi. Nú er ég farinn í háttinn...allt of seint að vanda svo ég verði algjörlega út úr heiminum eins og morgun og gleymi að borða fram að hádegi =)

8. í B&L - Rauð epli (24.03.2004)
Í tilefni dagsins fékk hún Bína mín 3 rauð gerviepli til að setja í skálina á stofuborðinu. Reyndar var ég nú búinn að gleyma hvar átti að setja þau og skildi ekkert af hverju átti að setja þau á eldhúsborðið þar sem alltaf eru ferskir ávextir, en svona er ég nú gleyminn =)
Hún var mjög ánægð með þau, og líklegast kaupum við fleiri gerviávexti til að fylla uppí flottu skálina =)

9. í B&L og Bílbelti (24.03.2004)
Hátíðarhöldin í dag voru ekki stórfengleg, en við vorum upptekin að vanda á miðvikudagi. Það var skoðun í morgun þar sem allt lítur vel út og síðan var það seinasta kvöldið í foreldranámskeiði. Það verður svoldill missir að hitta Hrefnu í Magna Mater ekki á hverjum miðvikudegi til að fylla mann af fróðleik fyrir það sem koma skal. Samtals voru þetta 16 tímar og ég hefði alveg verið til í aðra 16 þar sem ég hefði ábyggilega lært eitthvað meira nýtt. í kvöld kom einnig Sigurjón Andresson frá Sjóvá og hélt stuttan fyrirlestur um barnastóla og öryggi í bílum. Ég komst að því í kvöld að ég hef aldrei lært, og þar af leiðandi aldrei kunnað rétt að setja á mig bílbelti og hvað þá á ungabörn eða bílstól barna. Þetta kom mér verulega að óvart að uppgötva að ég hef aldrei gert þetta rétt, eins og það er nú ekki flókið, að ég hef haldið hingað til, að festa bílbelti. En allataf er maður að læra eitthvað nýtt og batnandi mönnum er best að lifa =)
En málið er að það er stórmekilegt hvað þarf að herða belti mikið og ég hefði líklegast aldrei fest hvorki mig né barnastól í bíl jafn rækilega ef ég hefði ekki fengið þessi sýnikennslu hjá Sigurjóni...þótt að hans aðferðir voru nú svo átakamiklar að það hefði þurft rúmgóðan bíl til að geta aðhafst með sama krafti og hann gerði.

10. í B&L (26.03.2004)
Eitthvað áttum við erfitt með að fara snemma á fætur, aðallega vegna þess að Bína var eitthvað slöpp og engan vegin í stakk búin til að mæta til vinnu. Þannig að ég leyfði mér að sofa lengur og kúra hjá henni fram til 10. Um kvöldið elduðum við síðan fínasta nautakjöt og láum á meltunni fram eftir kvöldi. Síðan komst Bína að því að þessi slappleiki er kominn frá járnskorti sem okkur þótti undarlegt vegna þess hve hún hefur verið dugleg, að okkar mati, að borða járnríka fæðu. Kanski er einhver að taka til sín allar járnbyrgðir?

11. - 14. í B&L (31.03.2004)
Við fórum í útilegu um helgina, gistum í svefnsófanum í sjónvarpsholinu og sofnuðum yfir sjónvarpinu alla helgina. Reyndar sáum við nú mest lítið að því sem við þóttumst vera að horfa á, en það er alltaf gott að detta út yfir einhverju. Þegar ég fór svo inní svefnherbergið á mánudaginn leið mér eins og ég hefði ekki verið heima alla helgina.
Á mánudaginn fékk Bína Sequence spilið frá mér, en við spiluðum það ekki það kvöldið þar sem Bína skrapp í bíó með Lindu á Taking Lives. Ég nennti ekki og var heima að dunda mér, ætlaði að horfa á surrvævorinn, en þá var það upprifjunarþáttur þannig að Bína slapp við að svekkjast yfir því eins og ég. Í gærkvöldi spiluðum við heilmikið og er þetta bara fínasta spil, ágætt að eiga líka spil sem við getum spilað tvö...svona þangað til hún Bína mín fer að spila meiri skák við mig =)

15. og 16. í B&L (01.04.2004)Í gær eldaði ég dýrindis pizzu í tilefni dagsins...en fékk nú ekki að hafa hana Bínu hjá mér, hún skrapp út að hitta stelpurnar á meðan ég gerði mest lítið annað en að leggja snúrur fyrir "heimabíóið" sem tók nú ágætis tíma...loksins þegar ég fór í það.
Í dag settum við svo upp 2 nýjar myndir í stofuna, en það vantar enn ýmislegt á veggina til að fylla upp í eyðurnar...

17. og 18. í B&L (03.04.2004)
Þann 17. í B&L fórum við í B&L, skemmtileg tilviljun það. Erum alltaf spá í að fara útí stækkun á bílnum og uppfæra í Renault Scenic þar sem hann myndi henta mun betur heldur en Clio-inn þegar að fjölgar hjá okkur. En það voru bara '99 ágerðir þarna sem við vorum ekki nógu sátt við, viljum fá amk 2000 árgerð. Skoðuðum líka '04 árgerðina sem er bara draumur í dós...en kostar líka aðeins of mikið fyrir okkar fjárhag...reyndar kosta allir bílar of mikið, en nýjasta týpan er ekki einu sinni möguleiki =)
Í dag, þann 18. fórum við í búðarráp, Balli var að leita sér að svefnsófa með Bekku og við fylgdum þeim eftir. Síðan var aðeins hvílt sig yfir sjónvarpinu og Svala kom svo í smá pössun á meðan matarboð var hjá Lilju&Tóta.
Keypti uppeldisbókina handa Bínu, og hún var ekki lengi að finna setningu sem sagði að flengingar væru ekki lausn á agaleysi...við erum ekki sammála um hvort rassskella eigi börn eður ei. Ég er á því að EF börn eru algjörlega óstjórnhæf verður eitthvað að gera, það er ekki hægt að láta þau komast upp með að ráða öllu sem þau vilja þegar þau vilja ef þau eru þannig í skapinu...þannig að ef til kemur að börnin okkar verði rassskellt þá verður það líklegast ég sem geri það. Ekki að ég ætli að gera það, en það verður að vera eitthvað neyðarúrræði til.

Lokahátíð B&L (06.04.2004)
Þá er 30 daga, reyndar 31, ástarhátíðarhöldum okkar að ljúka í dag. Margt hefur gerst á seinustu dögum en ekki hefur gefist tími til að skrásetja allt nákvæmlega. Við fórum í fermingarveislu og páskarnir voru nýttir í að klára smáatriði í íbúðinni sem alltaf stóð til að gera við tækifæri. Eyrún&Jobbi, Anna og Matthildur komu í heimsókn. Hallur bróðir, Gústi og ég spiluðum Catan langt fram eftir nóttu og við og Bjözzi spiluðum líka. Ég og Bjözzi kíktum aðeins á Sigga á Celtic þannig að það var merkilegt hvað það tókst að láta gerast mikið um páskana. Á páskadag áttu við fullt í fangi með að eiga við ástarpáskaeggið okkar...en ekki hefur enn tekið að klára það. Bína fékk málsháttinn "Ungbarn á heimili er gott dæmi um minnihlutastjórn"...það verður lítill harðstjóri =)
Í kvöld á að enda þetta með því að fara út að borða og í leikhús =)

Árshátið Hugar

Herlegheitin byrjuðu á óvissuferð sem endaði niðrá Reykjavíkurhöfn, þar fengum við kampavín á byrggjunni á hálf köldu veðri og við vorum ekki viss hvort við ættum að standa þar í klukkutíma og þamba áfengi, fyrir utan að Bína var ekkert að þamba neitt. En þá kom í ljós að ferðinni var heitið á Listasafn Reykjavíkur þar sem sýninging Frostime Activity var skoðuð og höfðu allir nokkuð gaman að. Síðan var haldið aftur í Kópavoginn og fólk fékk sér sæti í Glerársalnum. Rennt var í gegnum alla rétti, humarsúpu í forrrétt, lamb í aðalrétt og súkkulaðikaka í eftirrétt með léttu gríni frá Þorsteini Guðmunds milli rétta. Skemmtiatriði hófust ekki fyrr en allur matur var búinn og dró því kvöldið svoldið á langin, en þau hefðu alveg mátt vera á milli rétta. Idol keppni okkar Fjármálalausna fór sigurför, þar sem Palli forstjóri kom sá og sigraði ásamt Kúagerðisbræðrum, og hrepptum við hinn margþráða verðlaunabikar fyrir skemmtilegasta skemmtiatriðið. Hunang sá síðan um að halda uppi stuðinu og Sissa ljáði þeim hjálprarödd. Við létum okkur hverfa eftir nokkur lög þar sem ég er enn ekki kominn með hesta heilsu, og tókst ekki að drekka hana í mig =)

Svefnsófinn...

Drifum okkur í IKEA í gær og versluðum svefnsófann sem okkur hefur langað í síðan við fluttum inn. Það tók smá tíma að koma honum upp í sjónvarpsholinu og að því loknu var tekin prufusvefn í honum sem fínast lúr fram eftir morgni. Hann er mun stærri en hornsófinn sem við vorum með áður, og einhverjar tilfærslur verða á hlutum og breytingar í framhaldi þar sem allt þarf nú að "lúkka" saman. En það er rosalega gott að geta sofið yfir sjónvarpi og ekki verra að geta boðið fólki uppá gistingu í þessum líka fína sófa. Snilldin við hann er hversu einfallt er að breyta honum í massíft rúm, aðeins þarf að kippa út og lifta upp og þá er þetta tilbúið, þannig að við erum útsoftin og á leið á Árshátið Hugar, ég er búinn að fara í sturtu og bað, og Bína fékk Hlín til að mála sig fyrir kvöldið =)

Enn fjölgar

Strákur með húfuMonsi og Ásta hafa eignast strák og óskum við þeim innilega til hamingju með drenginn, bíðum spennt eftir að heyra frá þeim og sjá myndir =)

Barn í heiminn

Palli&Erla eignu[ust strák á laugardagsnóttina, og engin smásmíði því hann var litlar 19 merkur, enda ekki að búast við öður heldur en mikilmenni frá þeim. Við óskum þeim innilega til hamingju og hlökkum til að sjá "lillann" =)
Nú er kominn raunverulegur læknissonur í vinahópinn :)

Erfið veikindahelgi

Þetta átti að vera fín helgi með bústaðaferð og öllu tilheyrandi. Það gekk ekki betur en ég varð svo slappur að geta ekki einu sinni keyrt alla leið í bústaðinn og síðan var ég kominn í eitthvað mók sem stendur enn yfir. Ekki hjálpaði svo leiðindaveður til og við ösnuðumst til að leggja ekki af stað úr bústaðnum fyrr en e. kvöldmat. Þannig að í kolniðamirki, roki og rigningu var drattast heim alla leiðina úr Borgarnesinu, en það er ekki alltaf sem manni finnst gott að fara í Hvalfjarðargöngin, en þau voru kærkomin hvíld á leiðindaveðrinu. Morguninn var svo bara rúmfastur og ætla rétt að vona að ég verði heill heilsu á morgun...nóg að gera og hef ekki tíma fyrir þetta, kanski maður sleppi íþróttum fram að næstu helgi til að ná sér almennilega.

Barinn minn

Þegar ég mun einn daginn opna bar, fyrir mig, vini og vandamenn, heima í stofu þá er spurning hvað hann mun heita. Escobar er gott barnafn, RabbaBar er þegar tekið, enda heiti ég nú ekki Rabbi...Bara Bar er hálf innihaldlítið, sem og MilliBar, ef þetta væri staður fyrir mikla fyllirafta myndi ég skýra hann Lúbarinn, he he, það sem ég get ekki skemmt sjálfum mér yfir.
Talandi um áfengi, var ekki keyptur smá bjór í dag og rauðvínsflaska til að taka með uppí bústað á morgun, en það á að taka góða hópferð uppí nýja bústaðinn þeirra Berglindar&Nonna. Ég er búinn að vera alltof óduglegur við að fá mér einn bjór fyrir svefinn...ellin farin að færast yfir =)

Bústaður

Skelltum okkur í bústað til Lilju&Tóta(&Svölu) á laugardaginn. Tóti var að spila á Selfossi um helgina þannig að hann var farinn á undan okkur hinum sem komum á laugardaginn. Fórum beint í sund og síðan var farið heim og Lilja grillaði dýrindis kjúklingabringur. Alltaf gott að komast í smá frí þótt ekki sé nema einn dag...sérstaklega ef ég næ bandý á laugardagsmorgni líka :)
atomstodin.com að skríða saman þannig að frítími dags ætti að hætta að snúast um þá síðu jafn mikið innan skamms, enda er ég eftirá í bókarlesti í tölvunörrabókaklúbbnum...sem og mínum eigin bókum sem ég "þykist" vera að lesa.